Astana qalasynyń qylmystyq ister jónindegi soty burynǵy sport mınıstri Erlan Qojaǵapanovqa úkim shyǵardy. Ol úsh jylǵa bas bostandyǵynan aıyryldy.
Ol Qazaqstan men Reseı arasyndaǵy óńiraralyq yntymaqtastyq forýmyn ótkizýge 2018 jyly bólingen 1 mıllıard teńgeni jymqyrdy dep tanylyp, Qylmystyq kodekstiń 361-babynyń 4-bóligi (aýyr zardaptarǵa ákep soqqan laýazymdyq ókilettikterdi asyra paıdalaný) boıynsha kináli dep tanyldy.
Ekinshi aıyptalýshy — “Success K” kompanıasynyń basshysy Lázzat Kókkózova 5 jylǵa bas bostandyǵynan aıyryldy. Ol Qylmystyq kodekstiń 190-baby (alaıaqtyq) boıynsha aıyptalǵan.
Erlan Qojaǵapanov eki ret Mádenıet jáne sport vıse-mınıstri (2017-2019, 2021 jyldary), sondaı-aq Premer-mınıstrdiń keńesshisi (2016-2017, 2021-2022 jyldary) qyzmetterin atqarǵan. Sonymen qatar, ol 2019-2021 jyldary Almaty qalasy ákiminiń birinshi orynbasary bolǵan.
