Úsh ákimniń saýnada qoıylym tamashalaǵany týraly aqparatqa Aqmola oblysynyń ákimdigi túsinik berdi. Bul týraly «Qamshy» portaly Tengrinews.kz-ke silteme jasaı otyryp.
Ákimdiktiń baspasóz qyzmetiniń ókilderiniń aıtýynsha, 2015 jyldyń 8 qyrkúıeginde lentalarda Dáýlet Qýanyshbaev esimdi azamattyń ózin Qusaıynov atyndaǵy qazaq mýzykalyq-dramalyq teatrdyń aktrısasynyń "aǵasymyn" dep tanystyryp, Zerendi aýdanynda quramynda 15 adam bar teatr akterleriniń tobynyń Aqmola, Qostanaı jáne Soltústik Qazaqstan oblystarynyń ákimderiniń aldynda qoıylym qoıdy dep málimdegeni jaıly málimet tarady.
"Keıbir ınternet-basylymdardyń málimeti boıynsha, osy aıtylǵan oqıǵalar bıyl 29 tamyzda Zerendi aýdanynda boldy delinedi. Alaıda 2015 jyldyń 29 tamyzynda Aqmola, Qostanaı jáne Soltústik Qazaqstan oblysy ákimderiniń árqaısysy ózderi basshylyq etetin óńirlerde qyzmettik mindetin oryndaǵan", - delingen taralǵan baspasóz habarlamasynda.
Sonymen qatar, habarlamada Qostanaı jáne Soltústik Qazaqstan oblysy ákimderiniń bekitilgen kestege sáıkes 6 qyrkúıekte Zerendi aýdanynyń terıtorıasyna kirgeni aıtylady. "Barlyq qonaq mańyzdy sharaǵa kelgendikten eshqandaı da kóńil kóterý baǵdarlamasy qarastyrylmady. Sáıkesinshe Aqmola oblysynyń ákimi Sergeı Kýlagınniń qatysýymen, Dáýlet Qýanyshbaev aıtqandaı, eshqandaı da qoıylymnyń bolýy múmkin emes, sebebi óńir basshysy bul kúni egistiktegi sharalarǵa daıyndyq jumysymen aınalysyp jatqan", - deıdi baspasóz qyzmetindegiler.
Úsh óńirdiń ákimderiniń bıylǵy 7 qyrkúıekte Memleket basshysynyń tóraǵalyǵymen oblystyń Zerendi aýdanyndaǵy bıdaı alqabynda ótken jumys jınalysyna qatysqany habarlanyp otyr. Ákimdiktegiler Prezıdenttiń qatysýymen bolǵan bul sharanyń 7 qyrkúıektiń kúnniń birinshi jartysynda bolǵanyna jáne teledıdarlardan, sonymen qatar ortalyq baspa basylymdarynda jáne ınternet basylymdarynda jarıa etilgenine nazar aýdarady.
Munymen birge, Qazaq mýzykalyq-drama teatrynyń dırektory Maral Jaqypovanyń "saýnadaǵy qoıylym" týraly málimetti joqqa shyǵarǵany jáne bul málimetti "jala jabý" dep málimdegeni aıtylady.
Ákimdiktiń baspasóz qyzmetiniń ókilderi teatr ujymynyń Astanada 11-13 qyrkúıek aralyǵynda Qazaq handyǵynyń qurylǵanyna 550 jyl tolýyna oraı ótetin sharaǵa kún saıyn daıyndyq júrgizip jatqanyn jáne eshqaıda shyqpaǵanyn habarlady. Teatr óziniń ary men namysyn qorǵaýǵa nıetti, onyń ujymy tolyq quramda Dáýlet Qýanyshbaevqa qatysty shara qoldanýdy surap, Aqmola oblystyq İshki ister departamentine aryzdanǵan. Ákimdiktegilerdiń aıtýynsha, Qýanyshbaev "kópshilik aldynda teatr ujymynyń abyroıyn tókti".
"Qyzmettik tekseris kezinde Dáýlet Qýanyshbaevtyń teatrda jumys isteıtin ápkesi (nemese sińlisi) týraly málimet rastalǵan joq. Materıaldar tergeý sharalaryn júrgizý úshin quqyq qorǵaý organdaryna joldandy. Qýanyshbaevtyń ınternette Facebook jelisindegi jeke paraqshasynda memlekettik joǵary laýazymdy tulǵalaryna qatysty synı jazbalardy júıeli túrde jarıalap otyratyndyǵymen tanylǵanyn atap ótý kerek", - dep habarlady ákimdiktegiler.
«Qamshy» silteıdi
