Quramynda jerlesimiz Aıdyn Aıymbetov, reseılik ǵaryshker Gennadıı Padalka men dat astronavty Andreas Mogensen bar «Soıýz TMA-16M» ǵarysh kemesiniń halyqaralyq ekıpajyn Astanada Nursultan Nazarbaev qarsy alýy múmkin. Bul týraly «Qamshy» portaly BNews.kz-ke silteme jasaı otyryp habarlaıdy.
Nur.kz saıtynyń jazýynsha, «Qazǵarysh tarapynan habarlama kelip tústi, oǵan sáıkes Qazaqstannyń birinshi tulǵasy – prezıdent ekıpajdy ózi qarsy alýǵa nıet bildirgen, osyǵan sáıkes qosymsha mindetter qoıylyp, eki saǵat on mınýt qosymsha ýaqyt bólindi – qoný ornynan Astanaǵa deıin jetkizý úshin. Osy baǵytta ǵana ózgerister engizilip otyr, ádette biz ekıpajdy Qaraǵandyda qarsy alatyn edik, onda ekıpajdy qarsy alýǵa qatysty shaǵyn is-shara uıymdastyrylyp, dárigerler olardyń hal-ahýalyn tekserip, ekıpajdyń brıfıńke qatysý-qatyspaý jaǵdaıyn baǵalaıtyn bolady. Eger oǵan murshalary kelse, shaǵyn brıfıń ótkiziledi de, sol jerden ekıpaj músheleri óz bazalaryna attanady», – dep habarlady jýrnalıserge bergen suhbatynda Reseı Áýe kólikteri federaldyq agenttigi basshysynyń orynbasary Aleksandr Vedernıkov.
Ol sondaı-aq ekıpajdy Astanada qarsy alý ǵaryshkerler tarıhynda ekinshi ret oryn alǵaly otyrǵanyn tilge tıek etti.
Sonymen qatar qazaqstandyq ǵaryshker Aıdyn Aıymbetovti qonǵan jerinen týǵan-týystary, 17 jastaǵy uly Ámir men baýyry qarsy alatynyn atap ótti.
«Soıýz TMA-16M» ǵarysh kemesiniń jerge qonýy Jezqazǵannan ońtústik-shyǵysqa qaraı 146 shaqyrym jerde 2015 jyly 12 qyrkúıekte saǵat 6.51-ge josparlanǵan.
Nurzat Toǵjan
