Parıj meri Anna Idalgo sosıalısik partıanyń atynan Fransıa prezıdenttigine úmitker boldy.  Beısenbi kúni keshke ótken partıalyq daýys berý nátıjeleri solaı kórsetti.

62 jastaǵy saıasatker Fransıanyń burynǵy aýyl sharýashylyǵy mınıstri men Le-Man qalasynyń meri Stefan Le Folldi jeńip, prezıdenttikke úmitker atandy. 

Beısenbi kúngi partıa konferensıasynda sóılegen sózinde Idalgo ekologıalyq jáne áleýmettik máselelerge basa nazar aýdardy.

Ol barlyq fransýz áıelderiniń daýysyn alatynyn aıtty.

Idalgo ótken jyly Parıj meri qyzmeti úshin qaıta saılaýda jeńiske jetip, óziniń qyzmetinde klımattyń ózgerýine qarsy saıasattarymen tanymal bolǵan.

Merdiń avtokólikterdi Parıjden shyǵarýǵa tyrysqan saıasattary daý týdyrǵan.

Ol búkil qala boıynsha saǵatyna 30 shaqyrym jyldamdyq shekteýin engizgen jáne 2015 jyldan beri Parıjdiń velojoldar jelisin eki esege arttyrǵan.

Fransıadaǵy prezıdent  saılaýy 2022 jyldyń sáýirine josparlanǵan.