Bıylǵy Nobel syılyǵynyń laýreaty, "Rappler" sıfrlyq medıa kompanıasynyń negizin qalaýshy Marıa Ressa "shyn jýrnalıs bolý búkil álem boıynsha qaýipti bola túsýde" deıdi. Fılıppın prezıdenti Rodrıgo Dýterteni jıi synaıtyn ol jýrnalısıka kóp qurbandyqty qajet etetinin aıtady. 

58 jastaǵy Ressa qazir Fılıppinde kepildikke alynǵan. Ol kıber jala jabý isi boıynsha alty jylǵa bas bostandyǵynan aıyrylýy múmkin. 

Nobel komıteti fılıppındik jýrnalısi jyldar boıy sóz bostandyǵy úshin batyl kúreskeni úshin syılyqqa laıyq dep tanyǵan. 

Ressa kelesi jyly Fılıppınde ótetin prezıdent saılaýy qarsańynda taralyp jatqan jalǵan aqparatqa alańdaýshylyq bildirdi.

– Bul faktiler úshin kúres bolady... ǵalamdyq áleýmettik medıa platformalar, kompanıalar feık aqparattardyń algorıtmdik taralýyna qorǵanys sharalaryn jasaýy nemese jasamaýy sheshýshi ról atqarady, – deıdi ol.

Ressa áleýmettik medıa kompanıalardyń róli týraly dabyl qaǵyp, "álemdegi eń iri jańalyqtar taratýshy Facebook algorıtmderi shyn máninde jalǵan aqparattardy, ashý men jekkórýshilikterdi tez taratady. Eger sizde faktiler bolmasa, sizde shyndyq bolmaıdy, shyndyq bolmasa senim bolmaıdy" dedi.

Jýrnalısiń "Donald Tramp pen Rodrıgo Dýterte sıaqty popýlıs kóshbasshylar áleýmettik jeli ortasyn  túbegeıli ózgertti me?" degen saýalyna Ressa "Álem túbegeıli ózgerdi... Donald Tramp Facebook-ten ýaqytsha shettetilse de, ol jurtshylyqtyń kóńil-kúıin ózgertti. Prezıdent Dýterte dıskýrstardyń mánerin ózgertti: adamdardy bólinýshilikke aıtaqtaıtyn kóshbasshylyq túri áleýmettik medıada jaqsy ról oınady. Meniń oıymsha, bul másele áli aıaqtalǵan joq" dedi.

Aıta keteıik, jaqynda Fılıppındik jýrnalıs Marıa Ressa men reseılik jýrnalıs Dmıtrıı Mýratovke Nobel syılyǵy berilgen. Olar bul syılyqqa Fılıppın men Reseıde sóz bostandyǵyn qorǵaý jolynda batyl kúreskeni úshin laıyq dep tanylǵan.

Dmıtrıı Mýratov Nobel beıbitshilik syılyǵyn qyzmet barysynda qaza tapqan reseılik jýrnalıserge arnaıtynyn aıtqan. Reseı bıligi ony Nobel syılyǵynyń syıaqysy úshin "shetel agenti" dep aıyptaýy múmkin ekeni habarlanǵan.