BBC Ýkraınadaǵy jaǵdaıǵa baılanysty Reseı taratyp jatqan aqparattarǵa qatysty shaǵyn saraptama jarıalady.

VVS málimetinshe, Pýtın Batys sanksıalaryn bostandyq úshin Reseı tóleýge tıis qun dep túsindiredi. Sondaı-aq ol Reseıdiń damýyna nuqsan keltirý úshin Batys jyldar boıy Máskeýge qarsy ekonomıkalyq soǵys júrgizip jatyr deıdi.

Ol Ýkraınadaǵy soǵystan zardap shegýshi orys halqy ekenin jetkizýge tyrysyp, Ýkraınada bolyp jatqan oqıǵalarǵa Máskeý sebepshi emes ekenin aıtady.

Kremldiń nusqasy boıynsha, Ýkraınadaǵy jaǵdaı soǵys emes, tek Ýkraınanyń shyǵysynda turatyn orystildi halyqtyń múddesin qorǵaýǵa arnalǵan arnaıy áskerı operasıa.

Sonymen qatar Kreml Ýkraınany naǵyz agresor retinde kórsetip jatyr.

Kreml "Ýkraına Reseıge qarsy ıadrolyq jáne bıologıalyq qarý qoldanǵysy keledi" dep, sol arqyly reseılikterge sondaı qarýlardy ózderi qoldaný yqtımaldyǵy týraly oıdy jetkizgisi keledi.

Býchada túsirilgen kadrlardy "jalǵan" dep tanıdy.

Reseıde resmıden bólek kez kelgen balama aqparat kózderine, tipti áleýmettik medıa arnalaryna qol jetkizý óte qıyn, olardyń kópshiligi buǵattalǵan.