Nemis vıse-kansleri Robert Habek eli Ýkraınaǵa áskerı jaǵynan erterek qoldaý kórsetpegenin qatelik dep sanaıdy.

Germanıanyń "Zweites Deutsches Fernsehen" qoǵamdyq teleradıokompanıasyna bergen suhbatynda Habek Ýkraınany qoldaýdy birneshe jyl buryn bastaý kerek edi dedi.

"Biz, árıne, Ýkraınany áskerı jaǵynan áldeqaıda erterek qoldaýymyz kerek edi, men tek kúnder nemese aptalar týraly emes, jyldar týraly aıtyp otyrmyn" deıdi ol.

Angela Merkeldiń burynǵy ákimshiligi Reseımen baılanysy, atap aıtqanda reseılik energetıkaǵa táýeldiligi úshin synǵa alynǵan.

Habektiń aıtýynsha, Germanıa qazir Ýkraınany aýyr qarý-jaraqpen qamtamasyz etýge kómektesip jatyr. Buǵan deıin nemis úkimeti NATO JİÓ-niń 2 paıyzyn quraıtyn maqsatyna jetý úshin qorǵanys shyǵyndaryn arttyrýǵa ýáde bergen. Sondaı-aq Germanıa Reseıden keletin "Soltústik aǵyn 2" gaz qubyryn da toqtatty.