Jasandy ıntellektke negizdelgen ChatGPT boty "Qańtar oqıǵasyna" jemqorlyq pen adam quqyǵynyń buzylýynan týǵan narazylyq sherýi degen anyqtama berdi.

Qamshy tilshisi bottan «Qańtar oqıǵasy» týraly suraǵanda ol Jańaózen kóterilisi jaıly aqparat shyǵardy. Sosyn 2022 jylǵy "Qańtar oqıǵasy" dep naqtylap jazǵanda ChatGPT: "Aqparattyq bazam 2021 jylǵa deıingi oqıǵalardy qamtıdy, biraq ótken jyly Qazaqstannyń ár aımaǵynda jemqorlyq pen adam quqyǵynyń taptalýyna, saıası-ekonomıkalyq máselelerge qarsy sherý bolǵanyn bilemin" dep jaýap berdi.

ChatGPT 2022 jyldyń 30 qarashasynda OpenAI kompanıasy iske qosqan jasandy ıntellekt negizindegi chat-bot. Ol qoıylǵan suraqqa jaýap berip, dıalog túrinde jumys isteıdi. Bot júzge jýyq tilde aqparat usyna alady. Alaıda onyn qazaq tilindegi málimeti shekteýli. Al aǵylshyn tilindegi nusqasy áp-sátte fılm senarıin, shyǵarma, mazmundama jazyp bere alady. 

OpenAI-dy 2015 jyly Ilon Mask pen Sem Áltman iske qosqan bolatyn. Onyń negizi maqsaty – qarapaıym adamdardyń ıgiligine qyzmet etetin jasandy ıntellekt qurý. Jobaǵa Microsoft 10 mlrd dollar qarjy quıyp, jasandy ıntellekttiń múmkindikterin ónimderine engizetinin jarıalaǵan. 2023 jylǵy aqpan aıynyń basynda Reuters agenttigi botty qoldanýshylar sany 2 aıda 100 mln adamdy quraǵanyn habarlady.