Jýrnalıs, KazTAG aqparat agenttiginiń dırektory Áset Mataev "METRO" atty jańa gazetti shyǵara bastaǵanyn málim etti.
Gazet tegin taratylady. Alǵashqy 12 myń danasy Almatynyń metrosy men tanymal sýpermarketterdiń sórelerine qoıylǵan.⠀
⠀
"Men úshin bul óte mańyzdy. Osy ıdeıamdy 2006 jyldan bastap júzege asyrǵym kelgen edi. Men oqıtyn býynǵa senemin jáne oqý ónerin joǵaltyp almaýymyz qajet dep sanaımyn. Zamanaýı sosıologtar adamdardyń sıfrlyq detoksqa jıilep ketken qushtarlyǵyn ósip kele jatqan mıkrotrend dep ataıdy. Adamdar tehnologıalardan sharshaýy múmkin, biraq bilim men qajetti aqparattan emes. Redaksıa Siz úshin áleýmettik-ekonomıkalyq jáne qoǵamdyq-saıası taqyryptarda qazaq, orys tilderinde jańalyqtar daıyndap, analıtıka jasaıdy, keıinirek aǵylshyn tilinde daıdjest paıda bolady. Bizge sáttilik tilep qoıyńyzdar!" dedi Áset Mataev facebook paraqshasynda.
Pikir qaldyrý