Senat tóraǵasy Máýlen Áshimbaev parlamenttik tyńdaýda halyqtyń kúnkórisi tómendegenin aıtty. Spıkerdiń sózinshe, qazaqstandyqtardyń shamamen 5%-ynyń tabysy eń tómengi kúnkóris deńgeıinen aspaıdy.

"Óńirlerdi damytý aıasyndaǵy taǵy bir mańyzdy mindet – halyqtyń tabysyn arttyrý. Azamattardyń ál-aýqaty jáne olardyń tabysyn arttyrý – reformalar tıimdiliginiń basty kórsetkishi. "Ádiletti Qazaqstannyń" basty tuǵyrynyń biri – ulttyq tabysty ádil bólý. Qazirgi tańda el halqynyń jartysy barlyq kiristerdiń úshten birine ǵana qol jetkizip otyr. Ókinishke qaraı, 12 óńirde azamattardyń tabysy az halyqtyń sany ulǵaıyp kele jatqany baıqalyp otyr. Batys Qazaqstan, Jambyl, Qaraǵandy, Qostanaı, Qyzylorda, Mańǵystaý, Túrkistan jáne basqa da oblystar týraly aıtyp otyrmyz", dedi Áshimbaev.