31 qańtar kúni Almaty qalasynda jyl saıynǵy Elbasy ‒ Qazaqstan Respýblıkasy Tuńǵysh Prezıdenti Qorynyń arnaıy syılyǵyn saltanatty maraptaý sharasy ótti. Aldyn ala uıymdastyrylǵan baıqaýǵa elimizdiń ár óńirinen 100-ge tarta usynys kelip tússe, sonyń ishinde ǵylym salasyna úles qosatyn 7 ǵylymı joba avtory men 10 mádenıet jáne óner maıtalmandary úzdik dep tanyldy. Olardyń arasynda mádenıet jáne óner salasyndaǵy jemisti eńbegi úshin "İske sát" baǵdarlamasynyń júrgizýshisi Aqkenje Álimjan, Qazaqstannyń zamanaýı ónerine qosqan úlesi úshin sýretshi Baqyt Bóbeqanova, Abaı atyndaǵy Memlekettik akademıalyq opera jáne balet teatrynyń belgili solısi Dmıtrıı Sýshkov, Qazaqstannyń horeografıalyq óneriniń damýy men saqtalýy jolynda etken eńbegi úshin gımnasttar Rýslan Faızýlın ı Andreı Kanahın Elbasy ‒ Qazaqstan Respýblıkasy Tuńǵysh Prezıdenti Qorynyń arnaıy syılyǵymen marapattaldy. Sondaı-aq, laýreat ataǵyn Alekseı Shahmatov aqparattyq baǵdarlamalar toptamasy úshin ıelense, arhıtektor, «Qazaqstan Memlekettik arheologıa jáne etnografıalyq murajaıy» (2006 g.) atty jobasy úshin Halyqaralyq Arhıtektorlar qoǵamy asosıasıasynyń İ dárejeli «Gran-prı» ıegeri Qanat Kýrganovtyń eńbegi joǵary baǵalandy. Júzden júırikterge tós belgi taǵylyp, aqshalaı syılyqtar tabystaldy.
Aıta ketý kerek, 2008 jyldan beri Elbasy ‒Qazaqstan Respýblıkasy Tuńǵysh Prezıdenti Qory bolashaǵy jarqyn jas ǵalymdar, mádenıet jáne óner qaıratkerlerin yntalandyrý maqsatymen, baıqaýǵa negizdelgen arnaıy syılyqpen marapapattap keledi. Baıqaý shartyna sáıkes, respýblıkalyq dodaǵa qoǵam moıyndaǵan ǵylymı zertteýler men ártúrli izdenister, shyǵarmashylyq jobalar men baǵdarlamalar qatysady. Ótken 5 jyl ishinde 73 syılyq tabystaldy. Laýreattar arasynda elimizge belgili tulǵalar: Aıda Aıýpova jáne Ermek Qurmanaev sekildi skrıpkashylar, akterler Anýar Nurpeısov pen Ásel Saǵatova, opera ánshileri Meıir Baıneshov pen Andreı Tregýbenko, Medet Chotabaev; belgili jas ǵalymdar: áleýmettaný ǵylymdarynyń doktory, profesor Gýlmıra Abdıraıymova,til bilimi – fılologıa ǵylymdarynyń kandıdaty Anar Fazyljanova, tehnıka ǵylymdarynyń doktory, profesor Marat Sataev sekildi ǵalymdar bar.
Elbasynyń Qazaqstan halqyna arnalǵan joldaýynda: «Sizderdiń jeke tabystaryńyz – ata-analaryńyzdyń, týystaryńyzdyń, otbasylaryńyzdyń, otandastaryńyz, qala berdi búkil Otanymyzdyń tabysy» degen edi. Laýraettar jeńisi elimiz úshin jemisti bolǵaı.
