Bıyl jergilikti búdjetten 20,4 mlrd. teńge qarajat kózdelgen. Bul týraly búgin Almatyda ótken tamyz keńesinde megapolıs basshysy Erbolat Dosaev baıandady, dep habarlaıdy Qamshy.kz aqparat agenttigi. 

Erbolat Dosaev óz baıandamasynda Qasym-Jomart Toqaevtyń Almaty qalasyna jasaǵan issaparyn eske aldy. 

"Bir apta buryn Memleket basshysy Qasym-Jomart Kemeluly Toqaev, Almaty qalasyna jumys sapary barysynda, ońtústik astananyń bilim berýindegi sapaly ózgeristerdiń qajettiligine taǵy da basa nazar aýdardy. Ol Almaty – zamanaýı bilim berýdiń barlyq jańa úrdisteri myqty dástúrlermen úılesýi tıis, erekshe qala ekenin atap ótti. El Prezıdenti aıtqandaı, búkil el aýmaǵynda tájirıbeni taratý úshin eń ozyq oqytý ádistemelerin, úzdik tájirıbeler men jobalardy engizý úshin eksperımenttik alańǵa aınalýy óte mańyzdy.
Bul úshin Memleket basshysy atap ótkendeı, qalada tıisti zamanaýı ınfraqurylym qurylyp, bala irgeli bilim alýy úshin, al mekteptegi oqý jyldary onyń tabysty mansaby men jalpy ál-aýqatynyń negizin qalap, onyń ómirindegi eń mańyzdy jyldarǵa aınalýy qajet", dedi qala ákimi. 

Sodan keıin Erbolat Dosaev qaladaǵy bilim salasyndaǵy ózgerister men qabyldanǵan jańa sheshimderge toqtalyp ótti. 

"Byltyr biz halyqaralyq ozyq tájirıbege súıene otyryp, qalany damytýdyń 2025 jylǵa deıingi orta merzimdi baǵdarlamasyn qabyldadyq, onda negizgi komponentterdiń biri bilim berý júıesin damytý bolyp tabylady. Polısentrıstik damýǵa nazar aýdaryp birtindep biz balalarymyzdyń tabysty ári jaqsy ómir súrý úshin tereń bilim men ártúrli daǵdylardy ıgerýi úshin olardy oqytýǵa teń jáne ınklúzıvti qoljetimdilik modelin júzege asyramyz. Árıne, balalarymyzdyń bilim alýyna negiz bolatyn alǵashqy kirpish – sapaly mektepke deıingi tárbıe.

Memleket basshysy Qasym-Jomart Kemeluly Toqaev bizdiń aldymyzǵa balabaqshalardaǵy kezekti azaıtý mindetin qoıdy. Birinshiden, biz bul máseleniń sheshimin jeke bıznesti belsendi túrde tartý dep bilemiz. Bıyl Almatyda 76 jańa jekemenshik mektepke deıingi bilim berý ortalyqtarynda 5 330 orynǵa tapsyrys berilgen (qazirdiń ózinde 1,5 mlrd.teńge somasyna 2 630 orynǵa – 46 oryn). Ári biz iri qurylys salýshylarmen áleýmettik áriptestik tetigin damytyp jatyrmyz, onyń aıasynda 2025 jylǵa deıin 2 087 orynǵa arnalǵan 11 tolyqqandy balabaqsha ashýdy kózdep otyrmyz", dep atap ótti Dosaev. 

Dosaevtyń aıtýynsha, qalanyń memlekettik mektepterinde sapaly bilim berý úshin basty syn-qater oqýshy oryndarynyń qazirgi tapshylyǵy bolyp otyr.

"Almaty – elimizdiń túkpir-túkpirinen jastar jınalǵan qarqyndy damyp kele jatqan megapolıs. Jyl saıyn qala halqy 70 myń adamǵa ósip, áleýmettik saladaǵy sapaly qyzmetter joǵary suranysqa ıe. Oqý jyly bastalǵanǵa deıin biz tapshylyqty 36%-ǵa azaıttyq. Alaıda týý kórsetkishi men halyqtyń joǵary kóshi-qony bul másele ýshyqtyra túsedi. Jańa oqý jylynda memlekettik jáne jekemenshik mektepterge 34 300 bala qabyldandy. Birinshi synypqa 12 myńnan astam bala barǵan", dedi ákim. 

Aǵymdaǵy mindetterdi sheshý úshin ákimdik 2024-2025 jyldary paıdalanýǵa beriletin 5,2 myń orynǵa arnalǵan 13 memlekettik bilim berý uıymdaryn jobalaý men salýdy jalǵastyrýda. Biz jekemenshik mektepterdi ashýdy qoldaımyz – osy kezeńde 14,4 myń orynǵa 19 jekemenshik uıym qurýdy josparlap otyrmyz, onyń ishinde iri qurylys salýshylarmen memorandýmdar aıasynda – 9 myń oryndyq 10 mektep.

Almatyda tapshylyq máselesin túbegeıli sheshýde «Jaıly mektep» ulttyq jobasyn tıimdi iske asyrý bolyp tabylady dep sanaımyz, onyń aıasynda 2025 jylǵa deıin qalanyń barlyq aýdanynda 37,1 myń oryndyq 22 mektep salyndy. Infraqurylym salý jáne jer telimin keńeıtý úshin jergilikti búdjette 19 mlrd. teńge qarastyrylǵan.

"Bıylǵy jyly ákimdik Qazaq tamaqtaný akademıasymen jáne Ulttyq salaýatty tamaqtaný ortalyǵymen birlesip «Oqýshylardyń densaýlyǵyn basqarý» mektep taǵamdarynyń jańa modeli pılottyq jobasyn ázirlenip jatyr jáne paneldik sesıada bizdi osy taqyryp boıynsha qyzyqty ári tanymdyq pikirtalas kútip tur dep senemin.

Balalardyń qaýipsizdigi – bul balalardy qorǵaý salasyndaǵy memlekettik saıasattyń basty basymdyǵynyń biri.

Bıyl jyl sońyna deıin barlyq 206 memlekettik mektepte, 8 ınternatta jáne 193 memlekettik balabaqshada qaýipsizdik júıesin engizý aıaqtalady. Bul joba jalpy quny 7,6 mlrd. teńge bolatyn úsh jyldyq servıstik model aıasynda qarjylandyrylady.

Sapaly bilim berý qyzmetterin kórsetýdiń mańyzdy elementi bizdiń pedagogtardyń biliktiligin úzdiksiz arttyrý. Bıyl biz eki jyldyq tájirıbege súıene otyryp, basshylar men muǵalimderdi oqytýdyń keshendi baǵdarlamasyn keńeıttik. Endi oǵan orta bilim berý mektepteriniń menedjerleri men muǵalimderi ǵana emes, mektepke deıingi uıymdar men kolejder de kirdi. Inklúzıvti bilim berý muǵalimderiniń bilimin jetildirý jónindegi joba alǵash ret iske asyrylyp jatyr, osy maqsatqa jergilikti búdjetten 7 myńǵa jýyq adamdy qamtıtyn 1,9 mlrd. teńge bólindi. Bul kýrstar Qazaqstan, Sıngapýr, Ulybrıtanıa jáne Shveısarıanyń jetekshi bilim berý uıymdarynyń bazasynda ótip jatyr.

Qorytyndylaı kele, men konferensıanyń sátti jumysyn tileımin jáne paneldik sesıalar jemisti jáne tıimdi, konferensıa usynystary jańa progresıvti ózgerister men ınovasıalardyń kepili bolady dep úmittenemin.

Barshańyzdy kele jatqan bilim kúnimen shyn júrekten quttyqtaımyn jáne barshańyzǵa densaýlyq, tabys jáne amandyq tileımin!", dep sózin aıaqtady Erbolat Dosaev.