Onyń pikirinshe, Qazaqstannyń bolashaqta ydyrap, Reseıdiń aınalasynda birigýden basqa amaly qalmaıdy.

Sputnik radıosynda Hazın Qazaqstandy ártúrli elıtalyq toptar arasynda óte úlken ishki shıelenisi bar osal el dep sanaıtynyn aıtty. Oǵan dálel retinde 2022 jylǵy qańtardaǵy oqıǵany mysal etti. 

“Qazaq elıtasyndaǵy tereń qaıshylyqtar eshqashan sheshilmegen jáne joıylmaǵan. Eger elde kez-kelgen kúrt saıası ózgerister oryn alsa, bul ártúrli toptardyń jınalyp qalǵan ashýynyń syrtqa shyǵýyna, qarsylasýyna ákelip soǵady”, - dedi sarapshy.

Ol osyǵan baılanysty Qazaqstanda eldiń birneshe jekelegen bólikterge ydyraý qaýpi joǵary ekenin túsindirdi.

Sonymen qatar, Hazın qazaqstandyq basshylyqtyń Eýropamen saýda qatynastaryn qurý áreketterin de synady. Onyń paıymdaýynsha, bul Qazaqstan úshin sátsizdikke ákeledi.

“Sebebi bolashaqta eýroaımaqta ekonomıkalyq daǵdarys oryn alsa, eýropalyqtardyń Qazaqstan shıkizatyn satyp alýǵa aqshasy bolmaıdy. Olar úshin óz taýarlaryn sata alatyn jalǵyz oryn Reseı Federasıasy bastaǵan úlken birlestik bolady”, - dep qosty Mıhaıl Hazın.

Osylaısha, ol Qazaqstan men Armenıa Reseımen tyǵyz yntymaqtastyqty bastaıtynyn boljady.

Hazınniń aıtýynsha, jańa jahandyq ekonomıkalyq daǵdarystyń bastalýy burynǵy keńestik respýblıkalarǵa Reseıdiń jańartylǵan odaǵyna birigýinen basqa tańdaý qaldyrmaıdy. Tipti Vladımır Pýtın muny burynnan boljap, 2015 jyly Eýrazıalyq ekonomıkalyq odaqty qurǵan.

Sarapshynyń pikirinshe, endi bul alań, reseılik TMD-nyń barlyq elderin biriktirýi kerek. Eger bári jospar boıynsha júrse, bolashaqta EAEO tolyqqandy valúta aımaǵyna aınalyp, Reseı onyń ortalyǵynda bolady.