- Memleket eshqandaı qarajatty eshkimge qolǵa bermeıdi. Ár adam ártúrli. Qoǵamda jaýapkershiligi bar nemese jaýapkershiligi joq adamdar bar. Qazirgi tańda úıdi qaıta salý úshin qolǵa qarajat bersek, ol adam jeke maqsatyna jumsasa, qysta ol adammen ne isteımiz? Sondyqtan memlekettiń sheshimi osyndaı, - dedi Sharlapaev úkimettiń baspasóz máslıhatynda.

Mınıstrdiń sózinshe, sý tasqynynan zardap shekken adamnyń tańdaýy bar.

- Úıdi qaıtyp turǵyzady, bolmasa ákimdik arqyly ekinshi naryqtan páterler alady. Biraq jóndeý jumystaryn ákimdik pen qurylys kompanıalary jasaıdy. Ákimdik sheshimi boıynsha tek birneshe óńirde qoldaryna qarajat beremiz. Bul tek jóndeý jumystaryna ǵana, - dedi vedomstvo basshysy.