Elimizde qazaqtildi múltfılm jasaýǵa 350 mıllıon teńge bólinedi. Bul týraly Májilis depýtaty Asqat Aımaǵambetov aıtty.
Depýtat qazaq tilindegi múltfılmder óte az, al YouTube sıaqty qoljetimdi platformalarda múlde joqtyń qasy ekenin atap ótti.
"Búgingi kúni bul úlken másele, óıtkeni balalar teledıdardan góri ınternet pen YouTube-ty kóbirek tańdaıdy. Balalar "Sınıı traktor" men "Masha ı Medved" sıaqty múltfılmdermen shektelmeı, sapaly ári qyzyqty qazaqsha múltfılmderdi kórýi tıis. Osy maqsatta, kelesi jyldyń búdjet jobasyn qarastyrý barysynda, qazaq tilindegi múltfılmder jasaýǵa 350 mıllıon teńge bólýdi jáne olardyń tek teledıdarǵa emes, mindetti túrde ınternetke, sonyń ishinde YouTube-qa júktelýin qamtamasyz etetin normany zańǵa engizdik. Bul balalardyń qazaq tilinde qyzyqty kontentke qol jetkizý múmkindigin keńeıtedi dep senemiz", - dep jazdy depýtat.