Qasym-Jomart Toqaevtyń jarlyǵymen Qazaqstannyń Mońǵolıadaǵy, Shrı-Lanka Demokratıalyq sosıalısik respýblıkasyndaǵy jáne Shvesıa koróldigindegi elshiler taǵaıyndaldy.
Aqordanyń málimetinshe, Prezıdent jarlyǵymen Almas Seıtaqynov Qazaqstannyń Mońǵolıadaǵy Tótenshe jáne ókiletti elshisi laýazymyna taǵaıyndaldy.
"Sergeı Aleksandrovıch Vıktorov Qazaqstan Respýblıkasynyń Shrı-Lanka Demokratıalyq sosıalısik respýblıkasyndaǵy tótenshe jáne ókiletti elshisi laýazymyna taǵaıyndaldy. Qazaqstan Respýblıkasynyń Shvesıa Koróldigindegi tótenshe jáne ókiletti elshisi Oljas Muhamedǵalymuly Súleımenov Qazaqstan Respýblıkasynyń Danıa Koróldigindegi tótenshe jáne ókiletti elshisi qyzmetin qosa atqarýshy laýazymyna taǵaıyndaldy", – delingen aqparatta.
Aıta keteıik, Almas Seıtaqynov ál-Farabı atyndaǵy Qazaq ulttyq ýnıversıtetiniń halyqaralyq qatynastar fakúltetin aıaqtaǵan.
- 2008 jyldan bastap Qazaqstan Respýblıkasy Syrtqy ister mınıstrliginiń ortalyq apparatynda ártúrli laýazymdarda qyzmet atqarǵan.
- 2008-2009 jyldary Qazaqstannyń Azıa jáne Afrıka departamentiniń attashesi;
- 2009-2014 jyldary Qytaı halyq respýblıkasyndaǵy elshiliginiń attashesi, III hatshysy;
- 2014-2015 jyldary Azıa jáne Afrıka departamentiniń III hatshysy;
- 2015-2019 jyldary Qytaı halyq respýblıkasyndaǵy Shanhaı qalasyndaǵy Bas konsýldyǵynyń III hatshysy, II hatshysy;
- 2019-2020 jyldary Qazaqstannyń Konsýldyq qyzmet departamentiniń Taıaý Shyǵys, Azıa jáne Afrıka basqarmasynyń basshysy;
- 2020-2022 jyldary Qazaqstannyń Azıa-Tynyq Muhıty óńiri departamenti Qytaı halyq respýblıkasy basqarmasynyń basshysy bolyp jumys istedi.
- Al 2022 jyldyń tamyz aıynan bastap Qytaı halyq respýblıkasyndaǵy Sángan (Gonkong) jáne Aomen (Makao) arnaıy ákimshilik aýdandarynda Qazaqstan Respýblıkasynyń Bas konsýly qyzmetin atqarǵan.
Oljas Muhamedǵalymuly Súleımenov 1980 jylǵy 2 shildede Pavlodarda dúnıege kelgen. Abaı atyndaǵy Qazaq ulttyq pedagogıkalyq ýnıversıtetin aıaqtaǵan. "Bolashaq" baǵdarlamasy boıynsha Ulybrıtanıadaǵy Nottıngem ýnıversıtetinde magıstr dárejesin alǵan. Dıplomat mansabyn 2002 jyly syrtqy ister mınıstrliginde bastaǵan.
- 2008 jyldan bastap parlament senaty ppparaty basshysynyń kómekshisi qyzmetin atqarǵan, al 2011 jyldan bastap senat apparatynyń parlamentaralyq baılanystar jáne halyqaralyq yntymaqtastyq bólimi basty keńesshisi bolǵan.
- 2012 jyldan bastap prezıdent ákimshiligi janyndaǵy strategıalyq ázirlemeler men taldaý ortalyǵynyń keńesshisi, 2013 jyldan bastap prezıdent ákimshiliginiń syrtqy baılanystar jáne hattama bóliminiń meńgerýshi orynbasary qyzmetterin atqarǵan.
- 2015 jyldan bastap Ispanıadaǵy Qazaqstan elshiliginde keńesshi jáne keńesshi-elshi laýazymdarynda jumys istegen.
- 2020 jyldan bastap syrtqy ister mınıstrliginde Amerıka departamenti dırektorynyń orynbasary, keıinirek Eýropa departamentiniń dırektory bolyp qyzmet atqarǵan.
