Jambyl oblysynyń prokýrorlary iri kólemdegi búdjet qarajatyn jymqyrý deregin anyqtady.
Qordaı aýdanynyń prokýratýrasy mektepke deıingi mekemeniń jan basyna shaqqandaǵy qarjylandyrýǵa arnalǵan 45,2 mıllıon teńge kólemindegi búdjet qarajatyn jymqyrý deregin anyqtady.
"Eki jyl boıy balabaqsha basshylyǵy mektepke deıingi uıymǵa múldem kelmegen balalar úshin zańsyz búdjet qarajatyn alyp otyrǵan.
2025 jylǵy 11 naýryzda iri kólemdegi búdjet qarajatyn jymqyrý deregi aýdan prokýratýrasynyń Sotqa deıingi tergep-tekserýdiń biryńǵaı tizilimine Qylmystyq kodekstiń 189-baby 4-bóliginiń 2)tarmaǵymen tirkeldi", - delingen habarlamada.
Tergep-tekserý Jambyl oblysy boıynsha Sybaılas jemqorlyqqa qarsy is-qımyl agenttiginiń departamentine tapsyrylǵan.
Qylmystyq-prosestik kodekstiń 201-babyna sáıkes tergeý múddesi úshin ózge aqparat jarıalanbaıdy.
