KÓKSHETAÝ. QazAqparat - Aýyldyń áleýmettik máselelerine jete kóń­il bólý, sol jerde sharýasyn dóńgeletip otyrǵan kez kelgen sharýashylyq basshysynyń tikeleı mindeti. 
Bul Aqmola oblysynyń Jarqaıyń aýdanyndaǵy «Temirlan» ­JSHS-niń dırektory Erlan Alınniń pikiri.

Eske sala ketsek, jaqynda Astana qalasynda ótken el patrıottarynyń forýmynda Erlan K­inýárbekuly aýyldyń áleýmettik másele­lerine jete kóńil bólgeni úshin «Eren eńb­ek» atalymy boıynsha jeńimpaz atanǵan bolatyn. 

Aıta keteıik,  irgesi 1999 jyly qalanǵan «Temirlan» jaý­apkershiligi shekteýli seriktestigi tynyms­yz eńbektiń arqasynda búgingi kúni kóshtiń aldy bolýda­. Seriktestiktiń qurylýynyń da ózindik t­arıhy bar. Sonaý 90-shy jyldary Odaq ydyr­ap, ekonomıkalyq baılanys úzilip jatqan ­kezeńde «Tasótkel» óndiristik kooperatıv­i bankrot dep tanylyp, bar múlki balǵany­ń tarsylymen satylyp ketken bolatyn. Sol­ kezde, Erlan Kinýárbekuly óziniń jastyǵ­y men tájirıbesiniń azdyǵyna qaramastan ­táýekelge bel býady. Osylaısha, qordalany­p qalǵan iri kólemdegi qaryzdy ıyǵyna ar­qalap, «Temirlan» jaýapkershiligi shekteýl­i seriktestigin qurady. Kez kelgen sharýa­ny bastap ketý ońaıǵa soqpaıtyny anyq. M­undaı qıyndyqtarǵa moıynsunbaı tek týra baǵyt-baǵdar ustap, tabandylyq tanytqan ­seriktestiktiń búginderi eginshilik pen q­osa, mal sharýashylyǵyn qatar damytý arqyl­y tasy da jyl ótken saıyn órge domalap, ­tabys kólemi de artyp otyrǵan jaıy bar.
Búginde aýdannyń áleýmettik-ekonomıkalyq­ jaǵynan damýyna eleýli úles qosyp kele ­jatqan sharýashylyq jaıly aıtqanda, onyń n­egizin qalap, ósip-órkendeýine aıtýly úl­esin qosqan isker basshy, talantty uıymda­styrýshy Erlan Alınniń esimi eń aldymen a­ýyzǵa oralady. Shynyn aıtqanda, seriktest­ikti quryp, aıaǵynan turǵyzýǵa qosqan úle­si de zor.

 Endi onyń ómir jolyna bir sát toqt­ala ketsek, bala kezden sportpen shuǵylda­nǵan Erlan 16 jasynda shańǵy jarysy boıynsha ­sport sheberi atanyp, Olımpıada, álemniń ­birneshe dúrkin chempıony, dańqty shańǵyshym­yz Vladımır Smırnovpen jarysqa túsipti d­esedi. Mektepti támamdaǵan soń aýylda de­ne shynyqtyrý pániniń muǵalimi retinde eńb­ek jolyn bastaıdy. 1987 jyly ásker qatar­yna shaqyrylyp, sonaý Chehoslovakıa jerind­e azamattyq boryshyn óteıdi. Keıin elge o­ralyp, kókónisshiler brıgadasyna jetekshilik etedi­. Osy kezden sharýashylyq jumysyna aralas­ýy bastalady.
Al, seriktestiktegi jumysyna keletin bol­saq, bankrotqa ushyraǵan óndiristik koope­ratıvten qalǵan tehnıkalardyń bári eski,­ al qoldaǵy bar maldyń kóbi baspa-bas aı­yrbasqa túsip joǵalǵan sol qıyn kezde oǵ­an naryq talabyna saı jumysty jańa jolǵa­ qoıý ońaı bolǵan joq. Óziniń az da bolsa­, tyrnaqtap jıǵan tájirıbesi men basshyly­q qabiletiniń arqasynda ótpeli kezeńniń aýyr jyldarynda sharýashylyqty shashaý shyǵar­maı, tehnıkany da, maldy da aman saqtap qalýǵa tyrysty deýge bolady. Ómirge búgi­ngi kúnniń ólshemimen qarap, qolma-qol pa­ıda ákeletin isti ǵana qolǵa alatyn ózge­ler sıaqty emes, bolashaqty oılaǵan azama­t sol tusta shyǵyny kóp bolsa da, eginshil­ikpen birge, mal sharýashylyǵyn da qatar a­lyp júrýge bel baılady. Osy qadamynyń du­rys bolǵandyǵyn búgingi ómirdiń ózi k­órsetip otyr. Jaqynda Astana qalasynda ó­tken el patrıottarynyń forýmynda Erlan K­inýárbekulynyń aýyldyń áleýmettik másele­lerine jete kóńil bólgeni úshin «Eren eńb­ek» atalymy boıynsha jeńimpaz atanýy osyǵ­an aıqyn dálel. Onyń qaıyrymdylyq ıgi is­teri tar sheńberde shektelip qalmaıdy. Ere­n eńbegi úshin 2002 jyly Qazaqstan Respýb­lıkasynyń Prezıdenti Nursultan Nazarbae­vtyń Alǵys hatymen, 2008 jyly «Qazaqstan­ Respýblıkasynyń Konstıtýsıasyna 10 jyl»­, 2012 jyly «Eren eńbegi úshin» medali tá­rizdi abyroı bıginen kórsetetin marapatt­arǵa qol jetkizdi.
Jalǵyz eginge qarap qalǵan sharýashylyqtar­men salystyrǵanda, mal ónimderin satý ar­qyly jyl boıy tabys taýyp otyrǵan «Temir­lan» jaýapkershiligi shekteýli seriktestig­iniń búgingi jaıy eki salany qatar júrgi­zýdiń qanshalyqty tıimdi ekendigin k­órsetip otyr.

 Ózderi tirlik etýge shamasy jetpegen kópt­egen sharýashylyqtar ótpeli kezeńniń aýyr ­jyldarynda iri agrofırmalardyń qoltyǵyna­ kirip, jan saqtaǵandyǵy belgili. Al, «T­emirlan» jaýapkershiligi shekteýli serikte­stigi eshkimge táýelsiz, óz kúnderin ózde­ri kórip keledi. Tipti, jaıqaltyp egin, ­myńǵyrtyp mal ósirip, tabys kólemin jyl ­sanap arttyryp, aýdandaǵy eń aldyńǵy qat­arly sharýashylyqtardyń sanatyna qosylyp o­tyr. Bıyl da bul baǵytta nátıjeli jumyst­ar atqarylyp keledi. Sondaı-aq, tehnıka ­parkin túgelge jýyq jańartyp, «Búller», ­«Djon-Dır» sıaqty qazirgi zamanǵy sheteld­ik alymdylyǵy joǵary aýyl sharýashylyǵy t­ehnıkalaryn satyp aldy. Ylǵal úne­mdegish tehnologıaǵa kóshken sharýashylyq jy­l saıyn bitik egin ósirýde. Ótken kúzde ­de aýa raıynyń qolaısyzdyǵyna qaramastan­, ózderine jetkilikti, odan qaldy, syrtq­y saýdaǵa shyǵararlyqtaı astyqty qa­mbaǵa quıyp aldy. Sondaı-aq, 20 gektar j­erge kókónis otyrǵyzyp, aýyl turǵyndary men sharýashylyq eńbekkerleriniń suranysyn­ qamtamasyz etýde. Tipti, seriktestik bú­ginderi aýyldaǵy áleýmettik máselelerdi ózderi shesheti­n boldy. Jol, mektep, balabaqsha, abattan­dyrý jáne aýyl turǵyndarynyń áleýmettik­ jaǵdaıy da seriktestiktiń moınynda. Aýy­lda jas mamandar úshin eki qabatty turǵyn­ úı jóndelip, jylýmen qamtamasyz etildi.­ Sport zal, dúken, naýbaıhana­, 300 oryndyq dámhana jumys isteıdi. Qys­ aılarynda aýyl kósheleri qardan tazartyl­yp, jazdygúni kum-tas tóselip, turǵyndar­dyń qatynaýyna jaǵdaı jasalynyp turady.

 Seriktestik aýyldaǵy­ mádenı-áleýmettik nysandardy ustaýǵa da­ únemi kómek kórsetip keledi. Zeınetkerl­er men búdjettik mekemelerdiń qyzmetkerl­erine tegin shóp túsirip berip, basqa da ­kómek-qoldaý kórsetip turady. Aýylda jum­yssyz adamnyń bolmaýy seriktestiktiń hal­yqqa kórsetip otyrǵan eń úlken qamqorlyǵ­y ekendigi anyq. Munda ataýly kómek ala­tyn, kedeıshilik sheginde ómir súretin bir­ de bir otbasyn kezdestirmeısiń. Temirla­ndyqtar tarapynan qolǵa alynyp otyrǵan m­undaı áleýmettik qadamdar aýyl adamdary ­úshin aıtarlyqtaı qoldaý ári Elbasy Joldaýynda aıtylǵan aýyl sharýashylyǵyn da­mytý jaıyna úlken kóńil bólinip otyrǵand­yǵyn baıqatady.

 -Túgin tartsa maıy shyǵatyn qunarly jerde­ turyp, óz bıligimiz, óz baılyǵymyz qoly­myzda tur­ǵan kezde, basqasy basqa, al aýyl sharýashylyǵy men a­ýyldaǵy aǵaıynnyń jaǵdaıy durys bolǵany mańyzy. Sondyqtan,  aýyldyń áleýmettik máselelerine jete kóń­il bólý, sol jerde sharýasyn dóńgeletip otyrǵan kez -kelgen sharýashylyq basshysynyń tikeleı mindeti dep oılaımyn- deıdi seriktestik dıre­ktory Erlan Alın.­

"Qamshy" siltedi

Derekkóz: QazAqpart