QR Parlamenti Májilisiniń depýtattary búgin Qurylys kodeksiniń jobasy men arhıtektýra, qurylys salalary boıynsha tıisti ózgertýlerdi birinshi oqylymda maquldady.
Jobada qurylys kompanıalarynyń qurylys obektisine kepildik merzimi 2 jyldan 5 jylǵa deıin uzartylǵan. Depýttardyń pikirinshe, bul shara qurylys kompanıalarynyń qurylys materıaldarynyń sapasyna, tapsyrys berýshi men oryndaýshynyń jaýapkershiligine, jalpy obektilerdiń sapasyna oń áser etpek.
Sondaı-aq, Májilis depýtattary obektiniń konstrýksıasyna, qasbetine jáne shatyryna 10 jyldyq kepildik usyný týraly usynys bildirdi. Bul másele jobanyń ekinshi oqylymyna deıin qarastyrylady.
