Ázerbaıjan Respýblıkasynda ótip jatqan Túrki memleketteri uıymynyń Hİİ samıtinde Qazaqstan Respýblıkasynyń prezıdenti Qasym-Jomart Toqaev sóz sóılep, túrki halyqtarynyń dostyq-baýyrlastyq qarym-qatynasynyń mańyzyna toqtaldy, sondaı-aq, birqatar naqty ári júıeli usynystaryn ortaǵa saldy. 

«Ázerbaıjannyń áıgili aqyny ári osy tarıhı jerdiń týmasy Bahtıar Vahabzadeniń «Túriktiń túrikke dushpandyq jasaýǵa haqysy joq!» degen ósıeti bar. Biz aǵa býynnyń ulaǵatty sózderin jadymyzda saqtap, túrkilerdiń túbi bir týys, birligi bekem baýyr ekenin búkil álemge pash etip kelemiz», - dedi Prezıdent. 

Samıtte Ázerbaıjan Prezıdenti Ilham Álıev, Qyrǵyzstan Prezıdenti Sadyr Japarov, Túrkıa Prezıdenti Rejep Taııp Erdoǵan, Ózbekstan Prezıdenti Shavkat Mırzıóev, Majarstan Premer-mınıstri Vıktor Orban, Túrikmenstan Halk Maslahatynyń tóraǵasy Gýrbangýly Berdimuhamedov,  Túrki memleketteri uıymynyń bas hatshysy Kýbanychbek Ómirálıev jáne baıqaýshy taraptardyń basshylary sóz sóıledi.

Túrki memleketteri uıymynyń Hİİ samıti qorytyndysy boıynsha Gabala deklarasıasy qabyldandy.