Búgin Londonda Qazaqstan Respýblıkasynyń Prezıdenti Nursultan Nazarbaev pen Ulybrıtanıa Premer-mınıstri Devıd Kemeronnyń kezdesýi ótýde. Bul týraly «Qamshy» portaly habarlaıdy.

Kezdesýde Elbasy Nursultan Nazarbaev Devıd Kemeronnyń 2013 jyly Qazaqstanǵa jasaǵan sapary eki jaqty qarym-qatynasqa tyń serpin bergenin atap aıtty. Sonymen qatar, kezdesý barysynda qazaqstandyq delegasıa brıtandyq áriptesterimen birqatar kelisimderge qol jetkizgenin aıtty.

«Meniń osy saparymnyń baǵdarlamasynyń kúrdeli bolýy bizdiń elder arasyndaǵy baılanystyń aýqymyn bildiredi»,-dedi óz sózinde Prezıdent N. Nazarbaev.

Devıd Kemeron da saýda-sattyq, ónerkásip salasyna ınvestısıa tartýdan Qazaqstannyń nátıjeli jumysyna nazar aýdartty.

Kezdesý barysynda eki el arasyndaǵy ózara quqyqtyq kómek kórsetý týraly kelisimge, QR-y Memlekettik qyzmet isteri jáne jemqorlyqqa qarsy is-qımyl Agenttigi men Ulybrıtanıa Mınıstrler kabıneti Hatshylyǵy arasyndaǵy ózara túsinistik týraly memorandýmǵa, Ulybrıtanıa jáne Soltústik Irlandıa Birikken koróldiginiń Astanada ótetin «EKSPO-2017» Halyqaralyq kórmesine qatysýy týraly kelisimge qol qoıyldy. 

Jalpy, Elbasynyń osy sapary barysynda bilim berý, munaı-gaz salasyna qatysty jalpy quny 5 mıllıard dollarǵa jýyq kelisim-sharttarǵa qol qoıylady dep kútilýde. 

Bilál Qýanysh

London