«Birińǵaı jınaqtaýshy zeınetaqy qory» AQ basqarma tóraǵasy Rýslan Erdenaev BJZQ zeınetaqy aktıvterin qorǵaý máseleleri jóninde aıtyp berdi.Bul týraly «Qamshy» portaly «Kazahstanskaıa pravda» gazetine silteme jasap habarlaıdy.
Qarjy naryǵyndaǵy aýytqýlar, máselen valúta baǵamynyń ózgerýi saldarynan týýy múmkin shyǵyndardyń orny qalaı óteletinin ol bylaı túsindirdi:
- BJZQ salymshylary úshin zeınetaqy aktıvteri portfeliniń sheteldik valútada ınvestısıalanǵan bóligi kiris ákeledi. 2015 jyldyń 1 tamyzynda BJZQ zeınetaqy aktıvteriniń valútalyq pozısıasy zeınetaqy aktıvteri jalpy somasynyń 11%-dy, AQSH dollaryndaǵy úlesi 10,45%-dy qurady. Jalpy BJZQ ınvestısıalyq strategıasy konservatıvti: 1 qazanda Memlekettik qundy qaǵazdar úlesi 43,58%-dy qurady.
Azamattardyń zeınetaqy jınaqtaryn qorǵaý jáne ındeksteý mehanızmi 2013 jylǵy «QR-daǵy zeınetaqymen qamtý týraly» Zańynda kórsetilgen.
Qazaqstan ekonomıkasy álemdik ekonomıkaǵa ıntegrasıalanǵan jáne jahandyq naryqtaǵy jaǵdaıǵa, sonyń ishinde energıalyq resýrstar baǵasyna táýeldi. Sondyqtan memleket ulttyq valútadaǵy zeınetaqy jınaqtarynyń saqtalýyna jaýapkershilikti moınyna aldy. Zeınetaqy jınaqtary - bul strategıalyq qarajat. Atalǵan zańnyń 5-babyna sáıkes, memleket alýshynyń zeınetaqy tólemderine quqyqty ıemdený kezindegi ınflásıa deńgeıin eckepe otyryp, is júzinde engizilgen mindetti zeınetaqy jarnalary, mindetti kásiptik zeınetaqy jarnalary mólsherinde saqtalýyna kepildik beredi. Bul kepildik zeınetke shyǵatyn azamattyń zeınetaqy jınaqtarynyń kirisi jınaqtalǵan ınflásıa deńgeıinen tómen bolǵan jaǵdaıda paıdalanylǵan jáne aldaǵy ýaqytta da paıdalanylady. Eger baǵamnyń ózgerýi saldarynan qazaqstandyq ekonomıka ishinde ınflásıalyq qysym paıda bolsa, onda zeınetke shyqqan salymshylar búdjetten ótemaqy almaq.
