Ońtústik Sýdannyń astanasy Djýbada Reseıdiń júk tasıtyn ushaǵy apatqa ushyrady, - dep habarlaıdy «Qamshy» portaly RBK-ǵa silteme jasap.
Jergilikti aqparat quraldarynyń habarlaýynsha, ushaq bortynda 12 adam bolǵan. Apattan soń olardyń ekeýi aman qalǵan. Ushaq áýejaıdan kóterilgen soń kóp uzamaı qulaǵan. Kýágerler ushaq synyqtary Nil ózeniniń jaǵalaýynda shashylyp jatqanyn habarlaǵan. Keıbir aqparat quraldary ushaq qulaǵan aımaqta qyryq shaqty adamnyń múrdesi jatqanyn jarıa etken. Qazir bul aqparat naqtylaný ústinde. Ushaqtyń qulaǵanyn Ońtústik Sýdan basshylyǵy rastap otyr. Bılik ókilderi qulaǵan ushaqtyń Reseıge tıesili An-12 áýe kóligi ekenin habarlaǵan.
