Qazaqstan-fransýz qatynastary tarıhynan 10 derek

    Darkhan Muqantegi
    Qazaqstan-fransýz qatynastary tarıhynan 10 derek

    Fransıa – qazaq eliniń táýelsizdigin alǵashqylardyń qatarynda moıyndaǵan el. «Qamshy» portaly Qazaqstan men Fransıa qarym-qatynasynyń basty-basty degen 10 deregin Aqorda baspasóz qyzmetiniń Feısbýktegi akkaýntyna silteme jasaı otyryp jarıalaıdy.

    1. Fransıa Qazaqstannyń memlekettik egemendigin 1992 jyldyń 7 qańtarynda moıyndady;

    2. Qazaqstan Prezıdenti Fransıaǵa 10 ret barǵan, onyń bul elge sońǵy sapary 2012 jyly ótken;

    3. Nursultan Nazarbaev pen Fransýa Ollandtyń aldaǵy kezdesýi sońǵy 3,5 jylda esep boıynsha besinshi bolmaq;

    4. Fransıa Qazaqstannyń saýda áriptesteriniń tiziminde 5-shi oryn alyp otyr;

    5. Qazaqstanda fransýz kapıtalynyń qatysýymen «Total», «Danon», «Pejo», «Alstom» jáne t.b. iri kásiporyndar tabysty jumys istep otyr;

    6.  2013 jyldyń mamyrynda Parıjde eýropalyq qazaqtardyń Kishiquryltaıy bolyp ótti;

    7. 2014 jyldyń sońynda Almatyda álemde ekinshi jáne Ortalyq Azıada birden-bir bolyp tabylatyn fransıalyq «Sorbonna» ýnıversıtetiniń fılıaly ashyldy;

    8. 2015 jyldyń 29 naýryzynan bastap «Eır Astana» iske asyratyn Astana-Parıj baǵdary boıynsha tikeleı áýe qatynasy ashyldy;

    9. Fransıa Prezıdenti Sharl de Goll 1966 jyldyń maýsymynda «Baıqońyr» ǵarysh aılaǵyna barǵan birinshi sheteldik kóshbasshy boldy;

    10. Qazaqtyń tanymal ánshisi Á.Qashaýbaev Parıjdegi «EKSPO-1925» kórmesiniń aıasynda ótken 2-shi etnografıalyq konsertte Qazaqstannyń shetelge barǵan birinshi ánshisi boldy.

    Eske sala keteıik, Qazaqstan Respýblıkasy Prezıdentiniń Fransıaǵa resmı sapary 4-6 qarasha kúnderi ótedi. 

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025