Elbasy Nursultan Nazarbaev keshe Fransıa Prezıdenti Fransýa Ollandpen kezdesip, birqatar máselelerdi talqylady. Bul týraly «Qamshy» portaly habarlaıdy.
Nursultan Nazarbaevty Fransıalyq áriptesi ekershe sán-saltanatpen qarsy aldy. Elıseı saraıynda Fransıa Prezıdentiniń qurmet qaraýyly men orkestri Nursultan Nazarbaevqa úlken qurmet belgisin kórsetti. Qos el Prezıdentteriniń kezdesýi odan ári saraı ishinde jalǵasty.
Kezdesý kezinde Qazaqstan men Fransıa Prezıdentteriniń aýyzsha birlesken deklarasıasy qabyldandy, Fransıanyń EKSPO-2017 kórmesine qatysýy týraly kelisimge, QR IDM Aeroǵarysh komıteti men Fransıanyń Ulttyq ǵaryshtyq zertteýler ortalyǵy ǵarysh salasyndaǵy áriptestik týraly deklarasıaǵa qol qoıyldy. Sondaı-aq, eki el bilim jáne ǵylym mınıstrligi arasynda da birlesken deklarasıa qabyldandy.
Sonymen qatar, Fransýa Ollandtyń Qazaqstanǵa saparynda qol jetkizilgen kelisimderdiń jaı-japsary da áńgimege arqaý boldy.
Elbasy N. Nazarbaev Fransıanyń Qazaqstan úshin mańyzdy seriktes ekenin jáne eki el arasynda búgingi tańda ekonomıka men saıasattyń túrli salasynda tereń túsinistik qalyptasqanyn basa aıtty. Óz kezeginde Fransýa Olland ta qazaq eline degen aq júregin aqtardy. Búgingi daǵdarys qıyndyqtary eldiń áleýetin arttyrýǵa kómektessin degen tilekterin aıta kele, Qazaqstannyń áriptestikti damytý usynysy Fransıanyń nıetimen úndes ekenin jetkizdi.
«Bizdiń ambısıamyz jetkilikti. Sondyqtan da Fransıa Qazaqstan úshin árqashan da ashyq», - dedi Fransýa Olland.
Fransıa men Qazaqstan arasynda búginde tyǵyz áriptestik qarym-qatynas ornaǵan. 2015 jyldyń 1 toqsanynda eki el arasyndaǵy taýar aınalymy 806, 6 mıllıon AQSH dollaryn quraǵan. 2014 jylǵy bul kórsetkish 5, 776mıllıard dollarǵa teń.
Bilál Qýanysh
Parıj
Cýretter Aqorda saıtynan alyndy.
