Sınoptıkter aldaǵy demalysta aýa raıynyń qandaı bolatynyn aıtty. Bul týraly «Qamshy» portaly Tengrinews.kz-ke silteme jasap habarlaıdy.
Aldaǵy 7-9 qarasha arnalǵan aýa raıy boljamyna sáıkes, respýblıkanyń basym bóliginde aýa raıyn soltústik-batys sıklony qalyptastyrady, soǵan baılanysty jaýyn jaýyp, keı jerlerde boran soǵyp, jel kúsheıedi.
– Ońtústikte tumandy aýa raıy saqtalady. Aýa temperatýrasy kóptegen oblysta túnde 0-8, keı jerlerde - 13, respýblıkanyń soltústiginde 18 gradýs sýyq bolady. Al kúndiz ońtústikte 0-7, keı jerlerde 10 gradýs jyly bolsa, qalǵan aýmaqta aýa temperatýrasy 2-7, keı jerlerde 12 gradýsqa deıin tómendeıdi – dep habarlady meteorologtar.
Eske sala keteıik, buǵan deıin sınoptıkter qarasha aıynda aýa raıynyń qandaı bolatynyn aıtty. Boljam boıynsha, kúzdiń sońǵy aıy qarashada aýa raıy jaýyn-shashyndy bolady, jel kúsheıip, tuman túsip, kóktaıǵaq kútiledi.
