Jańa jyl merekesine deıin áli eki aıǵa jýyq ýaqyt bar. Alaıda, pavlodarlyqtar jańa jylǵa daıyndyqty bastap ketti. Bul týraly «Qamshy» portaly oinet.kz-ke silteme jasap habarlaıdy.

Bul aralyqta tuńǵysh prezıdent kúni men elimizdiń eń ulyq merekesi Táýelsizdik kúnin atap ótýi kerek. Áıtse de, Pavlodar qalasynyń bıligi jyldaǵy ádetine basyp, elden buryn jańa jylǵa qamdana bastady.

Bolat Baqaýov basqaratyn Kereký shahary bıyl jańa jyldyq bezendirýlerge jumsalatyn qarajatyn jarıa etip úlgerdi. Qalanyń ishin túrli álem-jálemmen bezendirýge qyryq mıllıonnan astam teńge jumsamaqshy. Bul byltyrǵydan 20 mıllıonǵa az dep ózderin jubatyp otyr.

Esterińizde bolar, eki jyl buryn Pavlodar qalasy Qazaqstan boıynsha eń záýlim ári eń qymbat shyrshany ornatyp rekord jasaǵan edi.

Ekibastuz qalasynyń ákimi Aleksandr Verbnák ta áriptesinen qalar emes. Bıyl olar bir mıllıon 99 myń teńgege úsh qýyrshaq satyp alamyz dep konkýrs jarıalady. Sondaǵy mıllıonnan astam aqshaǵa alatyndary úrlemeli Aıaz ata, Aqsha qar jáne maımyl qýyrshaqtar.

Sońǵy jyldary ońtústik óńir jańa jyldyq bezendirýlerdi Táýelsizdik merekesinen keıin ǵana bastaıtyn úrdis shyǵarǵan. Oǵan elimizdiń biraz aımaqtary qosyldy.