Ózderin «Irak pen Shamdaǵy ıslam memleketi» ataıtyn DAISH lańkesteri Sırıada 200 balany atyp tastaǵan vıdeo ǵalamtorda jarıalandy. Bul týraly «Qamshy» portaly Mirror Online-ga silteme jasap habarlaıdy.

Vıdeony lańkestikke qarsy ıemendik belsendiler jarıalaǵan.

Oqıǵanyń vıdeosy dúısenbi kúni batystyń jáne Reseıdiń buqaralyq aqparat quraldarynda da kórsetildi. Vıdeoda sodyrlar balalardy atpastan buryn olardyń qoldary baılap, ekpetterinen jatqyzyp qoıǵany kórinedi. Budan keıin sodyrlar avtomatpen ata bastaıdy. 

Basylymnyń málimetinshe, vıdeonyń túpnusqa ekenin dáleldeý ázirshe múmkin emes, biraq DAISH sodyrlarynyń buǵan deıin de kepilge alǵan adamdardy, olardyń ishinde jasóspirimder men balalardy atyp, vıdeoǵa túsirgeni aıtylady.

Óz kezeginde Daily Mail basylymy bolsa balalardy atý oqıǵasynyń 2014 jyldyń tamyz aıynda bolǵanyn boljaıdy. Basylymnyń málimetinshe, rolıkte Bashar Asadtyń armıasynyń jaýyngerleri. Alaıda munda da gazet dálel keltirmeıdi.