Oraldaǵy Sáken Seıfýllın atyndaǵy daryndy balalarǵa arnalǵan №11 "Daryn" mektep-ınternatynyń astan ýlanyp aýrýhanaǵa túsken 129 oqýshysy túgel aýrýhanadan shyǵaryldy. Bul týraly «Qamshy» portaly «Azattyq» radıosyna silteme jasap habarlaıdy.
Batys Qazaqstan oblystyq densaýlyq saqtaý basqarmasynyń baspasóz hatshysy Flúra Samatovanyń Azattyqqa habarlaýynsha, oqýshylarǵa dızenterıa degen dıagnoz qoıylǵan. Mektep asqanasynyń 22 jumysshysy qazir aýrýhanada dárigerler baqylaýynda.
Mektep-ınternat oqýshylar 30 qazanda astan ýlanyp aýrýhanaǵa túse bastaǵan. Buǵan deıin jergilikti bılik oqýshylar "mekep asqanasynda as máziriniń saqtalmaýynan" ýlanǵanyn jáne asqanany tekserý kezinde sanıtarlyq talaptardyń buzylǵanyn habarlaǵan. Qazir mektep-ınternattyń jumysy ýaqytsha toqtaǵan.
Mektep-ınternat basshylyǵy oqýshylardyń jappaı ýlanýynyń sebepteri týraly bıliktiń tujyrymymen kelispeıdi jáne asqanadaǵy tamaq sanıtarlyq talaptarǵa saı bolǵan deıdi.
