2016 jyldyń qańtarynan bastap búdjettik sala qyzmetkerleriniń eńbekaqylary ósedi. Bul týraly Densaýlyq saqtaý jáne áleýmettik damý mınıstri Tamara Dúısenova osy salanyń eńbekkerlerimen kezdesý barysynda málimdedi.
Mınıstrdiń aıtýynsha, jańa jyldan bastap densaýlyqsaqtaý salasynda jalaqy 7-den 28 paıyzǵa deıin kóterilse, bilim berý salasy qyzmetkerleriniń eńbekaqysy 15-29 paıyzǵa óspekshi. Basqa da búdjettik salalarda jalaqy 28-40 paıyzǵa ósetin bolady.
Sondaı-aq, aldaǵy jyly búdjettik mekeme qyzmetkerleriniń jalaqylary jańa júıe boıynsha tólenetin bolady. Ol júıe azamattyq qyzmetshilerdiń laýazymdaryn bilim, biliktilik, atqaratyn mindetteriniń deńgeıi men kúrdeliligine baılanysty tórt kategorıaǵa bólip qarastyrady.
Birinshi, A blogyna basshylyq personaldar kiredi. Iaǵnı, uıymnyń strategıalyq damýyna jaýapty, basqarýǵa baılanysty sheshimder qabyldaıtyn mekemelerdiń birinshi basshylary men olardyń orynbasarlary, uıymnyń baǵynyshtyq deńgeıine qaraı qurylymdyq bólinisterdiń basshylary men olardyń orynbasarlary osy blokty quraıdy.
Ekinshi, negizgi qyzmetshiler blogyna (V blogy) uıymnyń negizgi qyzmetin qamtamasyz etýshi mamandar enedi. Bul blok qarapaıym tilmen aıtqanda, dárigerler, muǵalimder, ǵylymı qyzmetkerler, áleýmettik qyzmetkerler, JOO oqytýshylary jáne basqa uıymnyń negizgi qyzmetine jaýapty mamandardan turady. Bul qyzmetkerlerge laýazymdyq okladtaryn dıfferensıalanǵan esepteý júıesi qoldanylady.
Úshinshi, ákimshilik blok (S blogy) ákimshilik-quqyqtyq jáne sharýashylyq qyzmetterin atqaratyn mamandardy toptastyrady. Laýazymdardyń bul tobyna zańgerler, býhgalterler, ekonomıser, aýdarmashylar, sharýashylyq qyzmet meńgerýshileri, t.b.kiredi.
Tórtinshi, ómekshi blokqa (D blogy) is júrgizýshiler, kasırler, komendanttar, hatshylar syndy laýazymdaǵylar enedi.
Tamara Dúısenovanyń málimdeýinshe, jańa jyldan bastap ósiriletin eńbekaqy ár laýazym ıesiniń bilimi, biliktiligi, jumys tájirıbesi syndy jeke málimetteri boıynsha taǵaıyndalady.
Esterińizge sala keteıik, 5 qarasha kúni Qazaqstan Parlamenti jańa «Eńbek kodeksin» maquldaǵan bolatyn.
