Álemge tanymal bolmaı jatyp, telearnaǵa shyǵamyn deý qısynǵa kelmeıdi, - deıdi qazaqstandyq boksshy Qanat Islam oishogyr.kz saıtyna bergen suhbatynda.

- Qanat aǵa, jıyrmasynshy jeńisińiz qutty bolsyn!Qazaqtyń abyroıyn asqaqtatyp, bedelin taǵy bir kóterdińiz. Shyn qýandyq. Qarsylasyńyzdy alǵashqy raýndta-aq qulattyńyz. Eń ońaı jekpe-jegińiz osy bolǵan shyǵar?

- Men bul jarysqa óte kóp daıyndaldym. Negizi bul jekpe-jek sál erterek ótý kerek edi. Túrli sebeptermen keıinge shegerile berdi. Shamamen 6 aı boıy osy jarysty kúttim. Sport ol qıyndyqtardan turady. Bıik beles baǵyndyryp, qazaqtyń atyn shyǵarý úshin men sonyń barlyǵynan ótýim kerek. Sabyr saqtap, shydamdylyq tanytyp, kúndelikti jattyǵýymdy úzbedim. Tipti ádettegiden de kóbirek jattyǵyp, tehnıkalyq múmkindikterimdi arttyrýǵa kúsh saldym. Eshbir qarsylasqa anaý álsiz, mynaý myqty dep qaramaımyn. Ár qarsylasqa tıanaqty daıyndalamyn. Bul joly 10 raýndtyq kezdesý bolady dep, daıyndalyp shyqqan edim. Qudaı buıyrtyp alǵashqy raýndta-aq uttym. Bul jeńisim de jattyǵýymnyń nátıjesi dep oılaımyn.

- Internetten jańa kıim úlgisin kıip, fotosessıa jasaǵan sýretińizdi kórip qaldyq. Jańa kelisimsharttar jasaldy ma?

- «Nelson» promoýterlik kompanıasymen ary qaraı jumys jasasa beremin. Biraq, biz qazir jańa menedjermen kelisimshartqa otyrdyq. Endi meniń jekpe-jekterimdi álemdegi eń tanymal menedjer El Heımon uıymdastyratyn bolady. Ol - buryn Meıvezerdiń kezdesýlerin ótkizgen tájirıbeli maman. Aldaǵy ýaqytta jaǵymdy jańalyqtar kóp bolady dep senemin. Osy rette Baýyrjan Ospanov aǵama erekshe alǵys aıtqym keledi. Ol kisiniń meniń bıik beles baǵyndyrýyma jasap jatqan eńbegi orasan zor. Ulttyń múddesin oılaıtyn, elge tirek bolatyn aǵamnyń baryna qýanamyn. Boıynda azamattyq, danalyq pen parsattylyǵy mol aǵa aman bolsyn!

- Áleýmettik jeliler men saıttarda «Qanat Islamnyń jekpe-jegenin otandyq telearnalar nege kórsetpeıdi?» degen maqalalar jazylyp, túrli pikirler aıtylýda. Shynymen de, nege jekpe-jekterińizdi telearnalardan kóre almaı júrmiz? Munyń biz bilmeıtin bir syry bar ma?

- Sporttyń da basqa salalar sıaqty óziniń zańdylyǵy bar. Muny biri túsinse, biri túsinbeı jatady. Kóp adam meni Genamen salystyrady. Genanyń ózi kóp eńbek etti, ol da basynda telearnalarǵa shyqqan joq. Belgili bir beles baǵyndyrǵan soń baryp, ekrandardan kórsetile bastady. Álemge tanymal bolmaı jatyp, telearnaǵa shyǵamyn deý ol qısynǵa kelmeıdi. Ekrannan kórsetý úshin sportshynyń ataq-dárejesi, jetistigi bolý kerek. Men 20 jekpe-jegimdi endi ǵana ótkizdim. Amerıkanyń ózi bul kezdesýimdi ekrannan kórsetken joq. Maǵan áli kóp eńbek etý kerek. Qazaqstandaǵy telearnalarǵa meniń eshqandaı da ókpem joq. «Qazaqstan» ulttyq arnasy bir baǵdarlamasyn maǵan arnaǵanyn bilemin, jarystan soń skaıp arqyly suhbattastyq. Qanshama jýrnalıser jarys aldynda da, jarystan soń da habarlasyp jatty. Allaǵa shúkir, elimniń baryna, meni izdeıtin qazaǵymnyń baryna qýanyshtymyn. «Qazaqstan» telearnasy men «Qazsportqa» alǵystan basqa aıtarym joq. Eshkim meni shettetip jatqan joq. Men sportta aqyryn-aqyryn ósip kele jatyrmyn. Buıyrtsa, jekpe-jegimdi telearnadan kórsetetin kúnge de jetemiz. Sizder sabyr etip kútýlerińiz kerek. Al maǵan talmaı eńbek etý kerek.

- Jıyrmasynshy jekpe-jektiń vıdeosyn kórermen eki kúnnen soń kórdi. Sýretter áli kúnge deıin joq. Nege? Álde qasyńyzda jarnamańyzben aınalysatyn adam joq pa?

- Sizderdi túsinemin. Ekrannan kóre almaǵan soń, kezdesýlerimdi ınternetten kórýge asyǵasyzdar. Keıde oǵan da múmkindik bolmaı jatady. Jańa kelisimshartqa endi qol qoıdyq. Buıyrtsa, endi barlyǵy basqasha bolady dep oılaımyn. Kelesi jarystarymnyń sýreti men vıdeolary óz ýaqytynda jarıalanatyn shyǵar.

- Kelesi jekpe-jegińiz qashanǵa josparlanýda? Jyl sońyna deıin qansha jekpe-jek ótkizesiz?

- Qazir osy máselelerdi sheship jatyrmyz. Aldaǵy 10 kúnniń ishinde belgili bolady. Taǵy bir kezdesý ótkizýim múmkin. Qanat dep taqymyn qysyp otyrǵan elime alǵys aıtqym keledi. Qazaqtyń týyn kóteretin jastar kóp bolsyn. Qazaq eli órkendep damı bersin. Elimiz, Elbasymyz aman bolsyn!

- Rahmet, aǵa. Aman júrińiz! Qazaqtyń Qanatyn álem tanysyn!

Suhbattasqan Berik SULTAN