Qazaqstannyń Ulttyq ekonomıka mınıstri Erbolat Dosaev el arasyndaǵy respýblıkalyq búdjettiń qıyn jaǵdaıy týraly úreıdi jýrnalıser týǵyzyp júr dep aıyptady. Bul týraly «Qamshy» portaly habarlaıdy.

Parlamentke kelip respýblıkalyq búdjetke qatysty túsinik bergen E. Dosaev myrza jýrnalıserdiń suraqtaryna da jaýap berdi.

Respýblıkalyq búdjetke qatysty qoıylǵan suraqtarǵa «Ázirge eshteńe aıta almaımyn. Áli eshteńe daıyn» emes degen mınıstr jýrnalıserdiń ózine tap berdi.

«El arasynda úreıdi sizder týǵyzyp júrsizder. Biz tıisti esepter qashan aıaqtalatynyn, Ulttyq bankte talqylaý júrip jatqanyn, bul prosestiń bári jarıa túrde ótetinin aıttyq. Barlyǵyna esep beremiz. Qandaı da bir parametrlerdi aıtýǵa ázir erte. Biz osy zań boıynsha 1 jeltoqsanǵa deıin úlgeremiz» deıdi Erbolat Dosaev.

Esterińizge salsaq, Parlamentte 2016-2018 jyldarǵa arnalǵan respýblıkalyq búdjet týraly zań talqylanyp jatyr. Buǵan deıin qarjy vıse-mınıstri Lena Karmazına jaǵdaıdyń kúrdeli ekenin, teńge baǵamy men ınflásıa deńgeıi alańdatýshylyq týǵyzyp otyrǵanyn málimdegen edi.