12 qarasha kúni Almatydaǵy kolejderdiń birinen kúshpen urlanǵan qyz otbasyna qaıtaryldy. Bul týraly «Qamshy» portaly Almaty qalalyq İİD-i baspasóz qyzmetine silteme jasap habarlaıdy.

Qyz urlaý deregi boıynsha QR QK-i 125-baby boıynsha is qozǵalyp, qalada kúdiktilerdi ustaý boıynsha izdeý sharalary bastalǵan bolatyn. Sondaı-aq, kúdiktiniń týystaryna da qyzdy qaıtarý týraly túsindirý jumystary júrgizilgen.

 Búgin tańǵa jýyq urlanǵan Aısel Baıramova týystaryna qaıtaryldy.

«Polısıaǵa túsinik berý kezinde urlanǵan qyz kúdiktige qatysty qandaı da bir shaǵymy joǵyn aıtyp, aryz jazýdan bas tartty. Soǵan qaramastan, qylmystyq is boıynsha prosesýaldyq sharalar júrgizilýde. QR QK-niń 125-baby qosymshasyna sáıkes urlanǵan adamdy óz erkimen bosatqan kúdikti óz áreketterinde basqa qylmys quramy bolmasa,  qylmystyq jaýapkershilikke tartylmaıdy» delingen baspasóz qyzmeti taratqan habarlamada.