Jeltoqsan aıynda qazaqstandyqtarǵa qosymsha úsh kún demalys beriledi, - dep habarlaıdy «Qamshy» portaly Tengrinews.kz-ke silteme jasap.
Qazaqstanda 1 jeltoqsan memlekettik mereke - Tuńǵysh Prezıdent kúni, al 16 jáne 17 jeltoqsanda qazaqstandyqtar Táýelsizdik kúnin atap ótedi.
"QR merekeleri týraly" zańyna jáne eńbek zańnamasyna sáıkes, memlekettik jáne ulttyq merekeler demalys kúni bolyp esepteledi. Sonymen qatar, eger mereke atap ótiletin kún demalysqa sáıkes kelse, ol kúnder bir kúnge uzartylady. Alaıda, bıyl úsh mereke de jumys kúnderine sáıkes kelip tur, sondyqtan olar basqa kúnderge jyljytylmaıdy.
Aıta keteıik, Tuńǵysh Prezıdent kúni 2012 jyldyń 1 jeltoqsanynan atap ótile bastady. Bul merekeni atap ótý týraly sheshim 2011 jyly 10 jeltoqsanda qabyldandy. Ol kezde QR Senatynyń jalpy otyrysynda "Qazaqstan Respýblıkasynyń merekeleri týraly" zańyna tolyqtyrýlar engizý týraly" zańy qabyldandy. Ol Qazaqstan Respýblıkasynyń Prezıdenti Nursultan Ábishuly Nazarbaevtyń memleket aldyndaǵy eren jetistikterin taný maqsatymen uıymdastyrylǵan.
Qazaqstan Respýblıkasynyń Táýelsizdik kúni - memlekettik basty mereke, ol jyl saıyn 16 jeltoqsanda atap ótiledi. Bul kúni 1991 jyly Joǵarǵy Keńes Qazaqstannyń táýelsizdigi men memlekettiń egemendigi týraly zańdy qabyldady. Respýblıkada ulttyq merekege oraı demalys kún bolyp esepteledi jáne kelesi kún - 17 jeltoqsan Qazaqstan Respýblıkasynyń demokratıalyq jańarý kúni bolyp jarıalanǵan.
