Qazaqstandyq taǵy bir aýyratlet Aleksandr Zaıchıkov juma kúni Hústondaǵy álem chempıonatynda 105 kelige deıingi salmaqta altyn medal jeńip alyp, sensasıa jasady, - dep habarlaıdy «Qamshy» portaly Vesti.kz-ke silteme jasap.
Julqa kóterýge sportshymyz 191 kelini eńserdi, al serpe kóterýde - 230 keli. Eki jattyǵýdyń qorytyndysynda Zaıchıkov 421 keli salmaqty jınap, birinshi orynǵa shyqty.
Aıta keteıik, eki dúrkin olımpıada chempıony Ilá Ilın osy salmaqta óner kórsetedi, al dál osy salmaq dárijesinde onyń jarysqa qatyspaı, ornyna barǵan Zaıchıkovtyń jeńisi sport sholýshylary úshin kútpegen jaǵdaıy boldy. Tikeleı efırde komentatorlar Zaıchıkovtyń jeńisin "sensasıa" dep atady.
Aleksandr Zaıchıkov 1992 jyly 17 tamyzda Belarýste dúnıege kelgen. Qyzylordada sportpen shuǵyldana bastaıdy. Arman Ábdreevtiń, Vılorıa Paktyń jáne Nurjan Smahanovtyń jetekshiliginde jattyǵady. Zaıchıkov - jastar arasynda 2008 jyly ótken Azıa chempıonatynyń qolda júldegeri, jastar arasynda 2009 jyly ótken álem chempıonatynyń kúmis júldegeri, Azıanyń 2013 jylǵy chempıony. 2012 jyly Londondaǵy Olımpıadaǵa qatysyp, 12-oryn aldy.
Qazirgi ýaqytta ol Qyzylordadaǵy Qorqyt ata atyndaǵy memlekettik ýnıversıtetinde "Sport jáne densaýlyq saqtaý" mamandyǵy boıynsha bilim alyp jatyr.
Al osy kúni jarysqa qatysqan, olımpıada chempıony Svetlana Podobedova medalǵa ilige almady. Qazaqstandyq aýyratlet tórtinshi oryndy mise tutty.
Eki jattyǵýdyń qorytyndysy boıynsha 29 jastaǵy Podobedova 276 upaı jınady. Dál osyndaı salmaqty reseılik 21 jastaǵy Olga Zýbova da kóterip, dene salmaǵy boıynsha Podobedovadan jeńilirek bolyp shyqqandyqtan qola júldege ilikti.
Al 1-oryndy qytaılyq Kan Iýe jeńip addy. Ol eki jattyǵýda 282 upaı jınady. Kúmis medal eki jattyǵýda 280 keli kótergen QHDR eliniń sportshysy Lım Djon Sımge buıyrdy.
Eske salaıyq, osyǵan deıin taǵy bir qazaqstandyq Nıjat Rahımov 77 kelige deıingi kategorıada sensasıa jasaǵan edi, ol altyn medal aldy, al Almas Óteshov kúmis júldeger atandy, Jasulan Qydyrbaev bolsa osy salmaqta qola júldeni mise tutty.
Al áıelder arasynda ázirshe jalǵyz medaldi Jazıra Japparqul aldy. Ol 69 kelige deıingi salmaqta kúmis júldeger atandy.
