Astanada Tengrinews.kz fototilshisi Qazaqstan Prezıdenti Nursultan Nazarbaevtyń eń úzdik kadrlarynnan jasaqtalǵan kórme ótkizedi, - dep habarlaıdy «Qamshy» portaly Tengrinews.kz-ke silteme jasap.

Fototilshi Turar Qazanǵapovtyń kórmesi 1 jeltoqsan kúni "MEGA Astana" saýda jáne oıyn-saýyq ortalyǵynda ótpek.

Avtordyń aıtýynsha, kórmede Prezıdenttiń qatysýymen túsirilgen 20 sýret kórsetiledi. Fotograf Nursultan Nazarbaevty erekshe jaǵdaılarda túsirgen. "Biz saıttar men teledıdarlardan Prezıdentti bir qyrynan ǵana kóremiz. Men onyń qatal, kúlgen sátterin tańdaýǵa tyrystym", - dedi Turar Qazanǵapov.

Turar Qazanǵapov túsirilim kezinde eshqandaı qıyndyq bolmaǵanyn aıtty. "Prezıdentti kadrda "ustap alý" qıyn emes. Qıyny - onyń kóńil-kúıin jetkizý", - dedi ol.

Qazanǵapov Nazarbaev beınelengen óziniń eń súıikti sýretin ázirshe tańdaǵan joq. "Múmkin, men ony búgin túsirermin, - dedi ol. - Prezıdenttiń qatysýymen bolatyn sharalarǵa barar kezde únemi ózim týraly oılaımyn".

"Kamerany adamdar jaýyp qalatyn sátter kóp bolady. Ondaı kezde fotoaparatty kóterip, osyndaı kadr alamyn", - dedi Qazanǵapov.

Memleket basshysyn taǵy sýretke túsirý týraly suraqqa Turar Qazanǵapov kúlimdep jaýap berdi: "Men onymen keminde bir kún ótkizip, mysaly onyń úıinde tańǵy as kezinde túsirer edim".

Aıta keteıik, Turar Qazanǵapovtyń qolynan shyqqan sýretter bizdiń "Fotobaıan" aıdarymyzda jıi jarıalanady. Al myna jerden onyń jumystan tys túsirgen sýretterin kórýge bolady.

 «Qamshy» silteıdi