Erteń, 3 naýryz kúni saǵat 12.00-de  Almaty qalasynda Jandosov pen Baızaqov kósheleriniń qıylysyndaǵy RF-nyń Bas Konsýldyǵyna jáne  Astana  qalasyndaǵy Reseı elshiliginiń aldynda saǵat 13.00 de ult  janashyrlary  jınalmaqshy.  Mundaı qadamǵa patrıottardy  Reseıdiń  Ýkraınaǵa basyp kirýi, sońǵy ýaqyttaǵy Reseıdiń Lımonov, Jırınovskıı  sekildi "urda-jyq" saıasatkerleriniń  Qazaqstanǵa  kórsetken quqaıy ıtermelep  otyrǵan sekildi. Jurttyń aıtýynsha, Reseı keshe Abhazıa men Osetıa, búgin Qyrym, erteń Soltústik Qazaqstandy basyp alýy múmkin.

Shara týraly belgili  jýrnalıs Qasym Amanjol: "Erteń biz QR Konstıtýsıasy kepildik bergen Azamat retindegi zańdy quqymyzdy paıdalanamyz. Reseı konsýlyna beıbit túrde  narazylyǵymyzdy bildiremiz. Ár eldiń táýelsizdigi men azattyǵyna, shekarasyna qol suǵylmaýyn suraımyz. Siz Bizben birgesiz be, zamandas?"  dep  jazady FB jelisinde.

Al,  saıasattanýshy Aıdos  Sarym: "Bir nárseni túsingenimiz abzal: Eger Reseı ózine jaqyn ýkraın halqyna qarsy soǵys ashýǵa daıyn tursa, qazaqty esh aıamaıtyny anyq. Bılik ne dese o desin, ishteı soǵysýǵa daıyndala bereıik"  deı  kele, "Kremldiń Qyrymdaǵy Ýkraına agresıasyna  patrıottar óz narazylyqtaryn bildiredi. Qazaqstandyq ýkraındar da óz únderin  qosatyn shyǵar" -deıdi.