Qazaqstan Halyqaralyq saýda-sattyq saıasatyn zertteý ınstıtýty (HSSZI) qurǵan álem boıynsha eń ashyqqan elder reıtıńinde 16-oryndy ıelendi.  Global Hunger Index reıtıńisine sáıkes, Qazaqstanda halyqtyń 2,5 paıyzy kúndelikti nanyn tappaı otyr.

104 memleket qatysqan reıtıńte elimizdiń ındeksi 8-di quraǵan. 1995 jyly bul ındeks 15,4-ti, 2000 jyly 10,7-ni, 2005 jyly 12,3-ti quraǵan eken.

Ash halyq sany eń kóp el — Ortalyqafrıkalyq respýblıkasy. Onda turǵyndardyń 47,7 paıyzy ashtyqqa ushyraǵan. Jaǵdaıy tómen turǵyndar kóbine Chad, Zambıa, Shyǵys Tımor, Serra-Leone, Gaıtı, Madagaskar jáne Aýǵanstanda kezigip jatady.

Reseıde halyqtyń 0,7 paıyzy ashtyqtan zardap shegýde. Belorýssıada — 0,8 paıyz, Ýkraınada — 1,2 paıyz. Postkeńestik respýblıkalar ishinde eń nashar kórsetkish Tájikstannan baıqaldy (33,2 paıyz).

Bolgarıada — 9 paıyz, Moldavıada — 12,2 paıyz, Ózbekstanda — 13,3 paıyz, Qyrǵyzstanda — 8 paıyz, al Túrkimenstanda — 32 paıyz turǵyndar ashtyqqa dýshar bolǵan. Soltústik Koreıada halyqtyń 41 paıyzy kúndelikti nanyn tappaı otyr.

Al Qazaqstan álemdegi ash elder reıtıńinde Ózbekstan men Tájikstandy basyp ozǵan.

Reseı atalǵan reıtıńte 11-oryndy, Qyrǵyzstan 27-oryn, Ózbekstan 43-oryndy, Túrkmenstan 40-oryndy ıelengen. Bul sanaqqa ashtyq ındeksi 5-ten tómen elder qatystyrylmaǵanyn esterińizge salamyz.