Ál-Farabı atyndaǵy QazUÝ ujymy QR Prezıdenti – Ult kóshbasshysy N.Á. Nazarbaevtyń «Ult jospary – qazaqstandyq armanǵa bastaıtyn jol» baǵdarlamalyq maqalasynyń negizgi baǵyttaryn talqylady, - dep habarlaıdy «Qamshy» portaly.
Elbasy alǵa qoıǵan tapsyrmalardy júzege asyrý jolyndaǵy ýnıversıtet mindetteri týraly jıynda QazUÝ-dyń áleýmettik damý jónindegi prorektory Sholpan Erbolqyzy Jamanbalaeva baıandama jasady.
Elbasy maqalasynda aıtylǵan Qazaqstandy tereńdete jańǵyrtý maqsatynda atqarylǵan aýqymdy isterge sholý jasaı otyryp, Sholpan Erbolqyzy bes ınstıtýttyq reformanyń qazirgi jahandyq daǵdarys kezeńindegi kókeıtestiligin atap ótti. 2016 jyldyń 1 qańtarynan bastap osy bes baǵyttaǵy Ult josparyn oryndaýdyń praktıkalyq kezeńi bastaldy. Memleketti, ekonomıka men qoǵamdy damytý úshin qaǵıdatty jańa quqyqtyq orta qalyptastyratyn 59 zań kúshine endi. «Ult jospary – elimizdi daǵdarystan alyp shyǵatyn dara jol. Ol Qazaqstan halqyn qıyndyqtan qutqaryp qana qoımaı, álemdik básekege qabiletti 30 eldiń qataryna qosylýǵa múmkindik beredi. Sondyqtan bul baǵdarlamany jete túsiný azdyq etedi, árqaısymyz onyń júzege asyrylýyna belsendi qatysýymyz kerek», – dedi prorektor.
Ál-Farabı atyndaǵy QazUÝ búgingi tańda bes reforma aıasynda ózindik jol kartasyn jasady jáne oqytýshy-professorlardan quralǵan ǵylymı orta olardy júzege asyrýdyń ózektiligin tereń uǵynady.
Elbasynyń alǵashqy reformasy «Memlekettik qyzmet týraly» jańa Zań negizinde memlekettik apparattyń tıimdiligin arttyrýǵa baǵyttalyp otyr. Elbasy maqalasynda Qazaqstan barlyq postkeńestik elderdiń ishinde alǵash bolyp memlekettik qyzmetshilerdiń jańa kadrlyq korpýsyn baıqaý jáne merıtokratıa qaǵıdattary arqyly qalyptastyrýǵa kiriskeni týraly aıtyldy. «Qazirgi tańda memlekettik qyzmetti damytýdyń jańa kezeńine qaraı otyryp, biz ákimshilik memlekettik qyzmetshiniń mansaby onyń biliktiligi jáne jınaqtaǵan tájirıbesine, oǵan eńbekaqy tóleýdiń jańa júıesi onyń biliktiligi men atqaratyn jumysynyń sıpatyna, kólemi men nátıjesine baılanysty ekenin kóremiz. Sondaı-aq memlekettik qyzmetshilerdiń jumys pen turmystaǵy júris-turysynyń qalyptary reglamenttelgen Memlekettik qyzmetshilerdiń jańa etıkalyq kodeksi jasaldy. Jańa ınstıtýt – etıka boıynsha elimizde ókiletti ókilder ınstıtýtyn qurý kózdelip otyr», – deı kele Sholpan Erbolqyzy atalǵan mehanızmderdiń ýnıversıtettegi kórinisterine toqtaldy. «Ál-Farabı atyndaǵy QazUÝ búginde nátıjege baǵyttalǵan basqarýǵa kóshken. Ýnıversıtette árbir oqytýshynyń, nátıjesinde JOO-nyń básekege qabilettiligin arttyrýǵa múmkindik beretin reıtıńtik júıe engizilgen. QazUÝ-dyń sońǵy jyldary bilim keńistiginde úlken serpilis jasap, bıyl álemniń úzdik 800 ýnıversıteti arasynda 275-orynǵa kóterilýi – sonyń aıqyn dáleli. Ýnıversıtetke oqytýshylardy qabyldaý baıqaý negizinde júzege asady jáne olar eńbektik qatysý úlesine qaraı ústemeaqy alady. Ýnıversıtette 2011 jyly etıkalyq talaptarǵa negizdelgen Ál-Farabı atyndaǵy QazUÝ qyzmetkerleri men oqytýshylarynyń ujymdyq mádenıet kodeksi jáne Ál-Farabı atyndaǵy QazUÝ stýdentiniń ar-namys kodeksi qabyldandy. Sondaı-aq biz ár fakúltette etıka boıynsha komısıa qurdyq, olar búgingi tańda tolyqqandy jumys atqarýda. Biz «Ýnıversıtet jemqorlyqtan taza» jobasyn júzege asyrýǵa kirisip kettik. Elin, jerin shyn súıetin, bilimdi de bilikti maman daıarlaý maqsatynda kóptegen áleýmettik jobalar jumys isteýde. Endigi bizdiń maqsatymyz – osy mehanızmderdi jetildirý, júzege asyra berý, olardyń bizdiń ómirimizge etene enýin qamtamasyz etý», – dedi prorektor.
Talqylaý barysynda ujym músheleri el men qoǵamdy damytýdaǵy naqty mindetterdi kúndelikti ómirde, ekonomıkalyq qyzmette nemese qoǵamdyq qatynastarda qoldanýdyń mańyzdylyǵyn erekshe sezinetindikterin jetkizdi. Barsha QazUÝ ujymy bas baǵdarlamany biraýyzdan qoldaıdy jáne ony júzege asyrýdy paryz sanaıdy.
