Eldegi Májilispen máslıhattyń merziminen buryn saılaýy jańarý men senim ındıkatory bolmaq. Bul jóninde QR Prezıdenti janyndaǵy Ortalyq komýnıkasıalar qyzmetinde ótken baspasóz máslıhatynda Qazaqstan halqy Assambleıasynyń ǵylymı-saraptamalyq keńesi tóraǵasynyń orynbasary Natalá Kalashnıkova málimdedi.

"Men saılaý tehnologıasy, saılaý júıesimen aınalysatyn sarapshy retinde jańa jyl basynda úsh saıası fraksıanyń elimizdegi Májilis jáne barlyq deńgeıdegi máslıhattardyń merziminen buryn saılaýyn ótkizý týraly bastamasyn qoldaǵan bolatynmyn. Kez-kelgen jyldyń basy bul qoǵamnyń jańarýǵa degen umtylysy. Sondyqtan, bul máselede sońǵy sóz Memleket basshysy tarapynan aıtylary anyq", - degen ol búginde bul bastama tóńiregindegi pikirlerge toqtalyp ótip, búgingi tańdaǵy Bes ınstıtýsıonaldyq reformany júzege asyrýǵa qatysýǵa degen umtylysy, nıeti aıqyn baıqalatynyn aıtty.

"Memleket basshysy sáıkes sheshim qabyldasa, onda aldaǵy saılaý jańarý ındıkatory, senim ındıkatory jáne jaýapkershilik pen qazaqstandyqtardyń Elbasy "100 naqty qadam" Ult josparynda alǵa qoıǵan jańa mindetterdi sheshýge qatysýynyń ındıkatory bolmaq. Árbir qazaqstandyqtyń bul oqıǵalarǵa belsendi qatysýǵa degen umtylysy bizdiń saıası júıeniń jáne qoǵamdyq sananyń jańarýy bolsa kerek. Eger, Elbasy qoldasa, bul qyzyqty saılaý, elektorattyq belsendilik bolmaq", - deıdi N.Kalashnıkova.

Derekkóz: strategy2050.kz