Merziminen buryn saılaý ótkizý Konstıtýsıalyq normada bar. Bul jóninde «Eýropa quqyǵy jáne adamzat quqyǵy ınstıtýty» qoǵamdyq birlestiginiń dırektory, profesor, zań ǵylymdarynyń doktory Marat Báshimov aıtty.
Depýtattar osydan bir-eki kún buryn merziminen buryn saılaý ótkizý týraly úndeý jarıalady. Zań turǵysynan alsaq, bizdiń Konstıtýtsıada mundaı norma bar. Konstıtýsıalyq keńestiń tóraǵasy ata-zańǵa saı ekenin anyqtaǵan soń, Memleket basshysy, Parlamenttiń qos palatasynyń tóraǵasy jáne Úkimet basshysy kelisim beredi. Ózderińiz kórdińizder, Parlamenttegi úsh partıanyń ókilderi biraýyzdan merziminen buryn saılaý ótkizýdi qoldady. Eger tipti bir depýtat qarsy shyǵatyn bolsa, onda merziminen buryn saılaý ótpeıdi. Bul jerde barlyǵy qoldady. Sondyqtan zańdyq turǵydan barlyǵy da Konstıtıtýsıalyq normaǵa sáıkes», - deıdi M.Báshimov.
Zańger merziminen buryn saılaý ótkizý arqyly memlekettiń aldynda turǵan strategıalyq josparlardy júzege asyra alamyz dep sanaıdy.
«Eger Elbasy depýtattardyń úndeýin qoldap, kelisim beretin bolsa, Parlamentke belsendi, bilimdi jastardy jınaýǵa múmkindik týady. Kreatıvti, jańa zamannyń erejelerin biletin, «Bolashaq» baǵdarlamasymen oqyp kelgen jastarymyz kóp. Solarǵa múmkindik beriledi», - deıdi M.Báshimov.
Pikir qaldyrý