Beısenbi kúni Oral-Saratov jolynda «Leksýs» avtokóliginiń 1989 jylǵy júrgizýshisi kólik rýline ıe bola almaı, qarsy betke shyǵyp ketip, 1974 jylǵy júrgizýshi aıdap kele jatqan «Toıota Prado» avtokóligimen soqtyǵysty, - dep habarlaıdy «Qamshy» portaly QazAqparatqa silteme jasap.

BQO İshki ister departamentiniń baspasóz qyzmetinen túsken málimetke qaraǵanda, jol-kólik oqıǵasynan «Leksýs» avtokóliginiń qos jolaýshysy Oral qalasyndaǵy oblystyq klınıkalyq aýrýhanasynyń jansaqtaý bóliminde kóz jumdy. Qos kóliktiń júrgizýshileri túrli jaraqatpen sol oblystyq aýrýhanaǵa jatqyzyldy.

Atalǵan derek boıynsha QR QK 345-baby 4-bóligine (eki adamnyń ólimine soqtyrǵan jol qozǵalysy men kólik quraldaryn paıdalaný erejesiniń buzylýy) sáıkes sotqa deıingi tergeý amaldar júrgizilýde.
Eske sala keteıik, óńirde sol kúni qar tolassyz jaýyp, jel kúsheıip, boran bolǵan edi.