Osy jyldyń 1 qańtarynan bastap Qazaqstanda uıaly baılanys júıesine ózgeris engizilip, baılanys qyzmetin paıdalanýshylar telefon nómirlerin ózgertpeı-aq basqa operatorlar qyzmetine aýysýǵa múmkindik alǵany belgili. Osy oraıda, tutynýshylar arasynda sóılesetin adamnyń nómiri basqa operatorǵa aýysqan-aýyspaǵanyna qatysty zańdy suraq týyndaıtyny belgili. «Qamshy» portaly osy suraqqa jaýap izdep kórdi.
Buryn telefon nómiriniń bastapqy tórt sanyna qarap anyqtaýǵa bolatyn baılanys operatorlary shynymen de jańa júıege saı biraz qıyndyqtar týǵyzýy múmkin. Sondaı qıyndyqtarǵa tap bolmaý úshin jáne qarajatyńyzdy únemdeý úshin mynany eske saqtańyz.
Eger siz Altel (Altel) baılanys operatorynyń tutynýshysy bolsańyz
Kompanıanyń call ortalyǵynda (8 800 080 00 11) bul másele avtomattandyrylǵan túrde sheshilgenin habarlady. Iaǵnı, Siz ózińizdiń Altel nómirińizden buryn osy baılanys operatorynda bolǵan nómerge telefon shalsańyz, onyń basqa operatorǵa aýysqany týraly avtomatty túrde Sizge jaýap qaıtarylady jáne bul qyzmet úshin aqy alynbaıdy.
Eger siz Tele2 baılanys operatorynyń tutynýshysy bolsańyz
Bul baılanys operatory atalǵan avtomatty qyzmetti ázirlep jatqanyn aıtady. Jaqyn kúnderi qoldanysqa engiziletin júıeniń jaı-japsary týraly Tele 2 baılanys qyzmetiniń dıspecherlerinen suraı alasyz.
«Aktıv» ı Kcell
Bul baılanys operatorlary telefon shalynatyn nómir týraly málimet alýdyń eki jolyn usynady.
- *199*abonent nómiri# kombınasıasyn terý. Sizge SMS túrinde jaýap keledi.
- Qońyraý shalý kezinde bir qysqa dybys (gýdok) jáne eki uzaq dybys beriledi. Bul arǵy bettegi abonent operatoryn aýystyrǵanyn bildiredi.
Eki qyzmet te aqysyz.
«Bılaın»
Atalǵan operator da avtomatty jaýap berý qyzmetin iske qosqan. Eger Siz qońyraý shalǵan nómir operatory aýysqan bolsa birden ol týraly habarlaıdy jáne baılanys úshin alynatyn qarajat somasyn eskertedi. Bul qyzmet te – aqysyz.
Pikir qaldyrý