Reseıdiń Krasnoıar qalalyq keńesiniń depýtaty Konstantın Senchenko Sheshen Respýblıkasynyń basshysy Ramzan Qadyrovty júıege qarsy poppozısıa týraly aıtqan pikiri úshin jerden alyp jerge saldy, - dep habarlaıdy «Qamshy» portaly.

Konstantın Senchenko bul shýly pikirin óziniń Feısbýk áleýmettik jelisindegi paraqshasynda jarıalaǵan. Esterińizde bolsa, Sheshen Respýblıkasynyń basshysy buǵan deıin Reseıdegi opozısıalyq kúshterdi iritki salý áreketteri úshin jazalap, ózderin «Reseı jaýy ári satqyndary» dep jarıalaýǵa shaqyrǵan bolatyn.

Jaǵympaz Qadyrovtyń bul málimdemesin reseılik depýtat ózine tikeleı qatysy bar dep qabyldaǵan. Ony ol óziniń saıasatpen aınalysatynyn ári eshbir saıası partıa quramyna kirmeıtinimen túsindiredi.

«Men bul akademık hám batyrǵa mynany aıtqym keledi. Ramzan, sen Reseıdi qarabet qyldyń. Sen akademık ataǵyn ózińniń úsh klastyq bilimińmen jer qyldyń. Sen Reseıdiń uly oıshyldaryna ǵana buıyrǵan ataqty ıelenip júrsiń. Sen «Reseı Batyry» ataǵyn da jer qyldyń. Krasnoıarskide biz kóp bolyp, Sheshenstanda soǵysyp júrgen jigitterimizge kómek jınaǵan kezderdi umytqan joqpyn. Sen ol kezde taýda bizdiń jigitterdi óltirip júrdiń», - deıdi ol óz jaýabynda.

Krasnoıarlyq depýtat sondaı-aq, R. Qadyrovtyń basqarýshylyq jumysyn da synǵa alady. Onyń aıtýynsha, R. Qadyrov qanshama búdjet qyzmetkerleriniń eńbekaqylaryn jeke qoryna aýdaryp, sol qarajatqa ózine záýlim saraılar salǵyzǵan.

K. Senchenko sheshen basshysyn synaǵan postyn «Sondyqtan da, akademık-batyr, aýlaq júr. Adal, eńbekqor, esi durys adamdardyń súıikti otany Reseıdi gúldendirý jolyndaǵy jumysyna kedergi keltirme!» degen sózdermen aıaqtaıdy.

Depýtattyń bul málimdemesi reseılikter arasynda qyzý talqylanýda. Tipti, keı azamattar K. Senchenkonyń ómirine alańdaýshylyq bildirýde. R. Qadyrovtyń ózi bolsa eshbir áleýmettik jelide bul málimdemege jaýap qatqan joq.