Búgingi qazaq bıligindegi eń jas sheneýnikter kim? Osy suraqqa Nur.kz portaly jaýap izdepti. 

Portal usynǵan tizimdegi 10 sheneýnik  30 jastarynda-aq laýazymdy qyzmettiń tizginin ustap, eńbek etýde.

Aıgúl Amantaıqyzy Shaıymova -1979 jylǵy 12 qańtarda Aqmola oblysynda ómirge kelgen. 2016 jyldyń11 qańtarynan bastap QR Memlekettik qyzmet isteri mınıstrliginiń vıse-mınıstr laýazymyna taǵaıyndaldy. Tolyq jasy – 37.

Mádına Erasylqyzy Abylqasymova – 1978 jyly Almaty qalasynda dúnıege kelgen. 2014 jyldyń tamyz aıynan bastap QR Ulttyq ekonomıka mınıstrliginiń vıse-mınıstri. Tolyq jasy – 38.

Dáýlet Ediluly Erǵojın – 1979 jyly Almaty qalasynda týylǵan. 2014 jyldyń 21 tamyzynan bastap QR Qarjy mınıstrligi Memlekettik kirister komıtetiniń basshysy. Tolyq jasy -37.

Samat Satybaldyuly Ábish -1978 jyly Almaty oblysynda dúnıege kelgen. 26 jeltoqsan 2015 jyldan bastap Ulttyq qaýipsizdik komıteti tóraǵasynyń birinshi orynbasary. Tolyq jasy – 38.

Qýandyq Ýálıhanuly Bıshimbaev -1980 jyly Qyzylorda qalasynda ómirge kelgen. 2014 jyldyń mamyr aıynan bastap «Báıterek» Ulttyq basqarýshy holdıńi» AQ basqarmasynyń tóraǵasy. Tolyq jasy – 36.

Daýren Áskerbekuly Abaev – 1979 jyly Almaty oblysynda týǵan. 2011 jyldyń qazan aıynan bastap Qazaqstan Respýblıkasy prezıdentiniń baspasóz hatshysy. Tolyq jasy – 37.

Máken Baqtıar Mákenuly – 1981 jyly Almaty qalasynda ómirge kelgen. 2013 jyldyń tamyz aıynan bastap Batys Qazaqstan oblysy ákiminiń orynbasary. Tolyq jasy – 35.

Steksov Igor Valerevıch – 1979 jyly Aqsaı qalasynda dúnıege kelgen. 2015 jyldyń qańtar aıynan bastap Batys Qazaqstan oblysy ákiminiń orynbasary. Tolyq jasy -37.

Nuráli Rahatuly Álıev – 1985 jylǵy 1 qańtarda Almaty qalasynda dúnıege kelgen. 2014 jyldyń 19 jeltoqsannan bastap Astana qalasy ákiminiń orynbasary. Tolyq jasy – 31.

Kósherov Nuralhan Oralbaıuly – 1984 jyly Shymkent qalasynda dúnıege kelgen. 2015 jyldyń 12 qazanynan bastap Shymkent qalasy ákiminiń orynbasary. Tolyq jasy – 32.

Nurtaı Qaırat Yrzaqululy -1982 jyly Qyzylorda oblysynda ómirge kelgen. 2015 jyldyń 16 qańtarynan bastap Shymkent qalasy ákiminiń orynbasary. Tolyq jasy – 34.

Saparbek Quraqbaıuly Tuıaqbaev – 1979 jyly Shymkent qalasynda týylǵan. 2012 jyldyń aqpan aıynan bastap Ońtústik Qazaqstan oblysy ákiminiń orynbasary. Tolyq jasy – 37.

Pavel Sergeevıch Kýlagın – 1986 jyly Aqmola oblysynda ómirge kelgen. 2015 jyldyń qarasha aıynan bastap Astana qalasy Saryarqa aýdanynyń ákimi. Tolyq jasy – 30.