Semeı qalasynyń tótenshe jaǵdaılar qyzmeti qala turǵyndaryn shuǵyl kóshirýge daıyn bolýǵa shaqyrdy, - dep habarlaıdy «Qamshy» portaly.
«Ertis ózenindegi jáne Semıpalatınka arnasyndaǵy sý deńgeıiniń kúrt kóterilýine baılanysty Polkovnıchıı jáne Vostochnyı eldi mekenderiniń Ábdýalı, Jibek joly, Aqjol kósheleri, Ertis ózenine jaqyn taǵy basqa kóshelerin sý alý qaýpi artyp otyr. Atalǵan aımaqtarda turatyn qala turǵyndary shuǵyl kóshirýge daıyn bolýy tıis. Qujattaryńyz, aqshalaryńyz ben basqa da qajetti zattaryńyzdy ázir ustaýdy suraımyz» delingen TJD-i taratqan málimdemede.
