Saıası partıalar úgit jumystaryn 20 aqpanda bastaı alady

    Darkhan Muqantegi
    Saıası partıalar úgit jumystaryn 20 aqpanda bastaı alady

    Saıası partıalar úshin úgit-nasıhat jumystary 20 aqpanda bastalady. Bul týraly búgin QR Parlamenti Májilisi men máslıhat depýtattary saılaýyn ázirleý jáne uıymdastyrý máseleleri jónindegi respýblıkalyq semınar-keńeste QR Ortalyq saılaý komısıasynyń tóraǵasy Qýandyq Turǵanqulov málim etti.

    OSK tóraǵasy óz sózinde kandıdattar men saıası partıalarǵa saılaý aldyndaǵy úgit-nasıhat jumystaryn júrgizýge teńdeı múmkindik jasaý qajettigin atap ótti.

    «BAQ arqyly úgit-nasıhat jumystary tirkeý merzimi aıaqtalǵannan keıin bastalady. Iaǵnı, saıası partıalar úshin úgit-nasıhat jumystary 20 aqpanda, Qazaqstan halqy Assambleıasy atynan Májilis depýtattyǵyna kandıdattarǵa 6 naýryzda, al máslıhat depýtattyǵyna kandıdattarǵa 24 aqpanda bastalady», - dedi ol.

    Q.Turǵanqulovtyń aıtýynsha, úgit-nasıhat jumystary bastalǵanǵa deıin saıası partıalardyń maqsattary men mindetterin nasıhattaıtyn jarnamalyq materıaldardyń barlyǵyna da partıanyń saılaý qorynan qarjy tólenýi tıis.

    «Saılaý aldy úgit-nasıhatty qamtıtyn barlyq materıaldarda qarjylandyrý kózderi týraly aqparat bolýy qajet», - dedi OSK tóraǵasy. 

     

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025