Almatydaǵy "Shymbulaq" taý-shańǵy kesheninde Polsha azamaty joǵalyp ketti, - dep habarlaıdy "Qamshy" portaly Almaty İİD baspasóz qyzmetine silteme jasap.

İİD málimetinshe, er adam 24 qańtar kúni tańerteń shıpajaı mańynda serýendeýge shyqqan. Onyń joǵalyp ketkeni týraly habarlama "112" púltine Astana ýaqyty boıynsha 25 qańtar kúni saǵat 02.05-te kelip tústi. Saıahatshynyń qaı baǵytta ketkeni belgisiz. Týrısi izdestirý jumystaryna QR İİM TJK Respýblıkalyq jedel qutqarý jasaǵy jumyldyryldy.

"Qazir izdestirý jumystarymen QR İİM TJK respýblıkalyq jedel qutqarý jasaǵynan 19 qutqarýshy, 1 tehnıka men kınolog mamandar, Almaty qutqarý qyzmetinen 12 adam men 5 tehnıka, sonymen qatar, "Shymbulaq" shıpajaıynyń 4 qutqarýshysy aınalysyp jatyr", - delingen habarlamada.

Polsha azamaty taýǵa shyar aldynda esh jerge tirkelmegen, baratyn baǵytyn da aıtpapty. İzdestirý jumystary túngi ýaqytta da jalǵastyrylyp jatyr.