Astanada Ortalyq komýnıkasıalar qyzmetinde baspasóz máslıhatyn ótkizgen Almaty ákimi Baýyrjan Baıbek qala ákimdigindegi kadrlyq aýys-túıisterge túsinikteme berdi, - dep habarlaıdy «Qamshy» portaly.

"Komandalyq aýysýlar týraly. Sizder bilesizder, Ulttyq komısıa taǵaıyndaıtyn "A" korpýsy bar bizde. Onda ákimshilik jáne saıası memlekettik qyzmetkerler bar. Saıası qyzmetkerler baıqaýsyz taǵaıyndalady. Sondyqtan komandalyq aýysýlar týraly aıtý qıyndaý", - dedi ol búgin Astanada Ortalyq komýnıkasıalar qyzmetinde ótken baspasóz máslıxatynda.

Onyń sózi boıynsha, Almaty ákimdiginde úılesimdi jáne tıimdi kásibı komanda jınalǵan.

"Menimen partıada birge istegen adamdar bar, Prezıdent Ákimshiliginen kelgen adamdar da bar.

Óte úılesimdi ári tıimdi komanda. Saıası bolǵandyqtan, olar baıqaýdan tys taǵaıyndalady. Olardyń kásibı talaby anyqtalady. Menińshe, eń bastysy - komandanyń úılesimdi  jumysy. Degenmen bizde ákimdikte jumys istep jatqan adamdar da jetkilikti. 

Jalpy bizdiń ákimdikte jappaı aýys-túıis bolyp jatyr dep aıtýǵa bolmaıdy", - deıdi ol.

Onyń sózi boıynsha, jetekshilerdiń basym bóligi óz oryndarynda qalyp otyr.

"Osy máselede naqty bilý kerek. "A" korpýsy ol - aýdan ákimderi. Aýdandyq ákimder aýysqan joq. Olar burynǵysha qyzmetterin atqarýda. Sondyqtan meniń oıymsha, eń bastysy komandanyń tıimdiligi. Basqarma tóraǵalarynyń basym bóligi oryndarynda qaldy. Sońǵy jarty jyl bizge ońaı bolmaǵanyn bilesizder. Almaty - ońaı qala emes. Degenmen baǵany men bere almaımyn. Baǵany beretin sizder. Alaıda komanda óz qyzmetin atqaryp jatyr. Bastysy kásibılik. Olardyń kóbi Prezıdent Ákimshiliginde qyzmet istegen. Aımaq basshylary bolǵan adamdar", - deıdi ákim.