Shyǵys Eýropa men Ortalyq Azıadaǵy QS-tyń (Ulybrıtanıa) aımaqtyq dırektory Zoıa Zaıseva ál-Farabı atyndaǵy Qazaq ulttyq ýnıversıteti basshylyǵymen kezdesti, - dep habarlaıdy «Qamshy» portaly oqý ornynyń baspasóz qyzmetine silteme jasap.
Kezdesýde joǵary oqý ornynyń reıtıń kórsetkishterin jaqsartý úshin ýnıversıtet qyzmetiniń negizgi máseleleri talqylandy. Zoıa Zaıseva QazUÝ-dyń sońǵy 3 jyldaǵy qyzmetin joǵary baǵalady. QS ótkizgen kóptegen halyqaralyq semınarlarda QazUÝ-dyń álemdik reıtıńte joǵary kórsetkishke qol jetkizýge jasaǵan qadamdary jaqsy úlgi retinde atalýda. Sonyń ishinde ýnıversıtettiń nátıjege baǵyttalǵan basqarý úlgisi, ınternasıonaldandyrý strategıasy men ǵalymdardyń maqala jarıalaý qyzmetin belsendi qoldaý tájirıbesi úlken qyzyǵýshylyq týdyrady. QazUÝ tájirıbesin TMD jáne Ortalyq Azıa elderiniń JOO-da zerttelip, qoldanylyp keledi.
Zoıa Zaıseva QazUÝ-dyń ınfraqurylymdyq nysandarymen tanysyp bolǵannan keıin, QazUÝ-dyń álemniń eń úzdik 200 ýnıversıtetter qataryna qosylý umtylysy aýqymdy ǵylymı jobalardy júzege asyrý men ózekti máselelerge baılanysty halyqaralyq uıymdarmen baılanys ornatý arqyly júzege asyp jatqandyǵyna kóz jetkizdi. Onyń pikirinshe, QazUÝ Koreıanyń jetekshi ýnıversıtetterimen birlesip ashqan medısınalyq ortalyq pen qoǵamdyq densaýlyq saqtaý joǵary mektebiniń (QDSM) ashylýy zertteý jumystaryn atqaryp otyrǵan ýnıversıtet úshin úlken jetistik. QazUÝ-dyń BUU akademıalyq yqpaldylyq boıynsha jahandaq haby bolýy, Germanıa, Japonıa men Pákistannyń akademıalyq ınstıtýttarynda QazUÝ ortalyǵynyń ashylýy, ýnıversıtet aýmaǵynda Sumsung, HP, Microsoft sıaqty álemdik kompanıalarmen birlesip ǵylymı-zertteý laboratorıalardyń jumys jasaýy ýnıversıtettiń kún saıyn artyp kele jatqan akademıalyq yqpaldylyǵy men jumys berýshilerdiń arasyndaǵy bedeliniń, joǵary ǵylymı áleýetiniń dáleli.
ACCELS, Erasmus Mundus-pen áriptestik pen bilim berý baǵdarlamalaryn Eýropalyq agenttiktermen birlesip tolyq halyqaralyq akredıtasıalaý sheteldik stýdentterdiń qyzyǵýshylyǵyn arttyrýda. Shyǵys Eýropa men Ortalyq Azıadaǵy aımaqtyq dırektory Zoıa Zaıseva: «Qazaqstandaǵy joǵary bilimniń study-destination eli bolýǵa (bilim alý ornyna) nemese sheteldik stýdentterdi «tartý ortalyǵyna» aınalýǵa múmkindigi bar. Úlken kadrlyq áleýeti men múmkindikteri bar ál-Farabı atyndaǵy QazUÝ kólemdi qabyldaýdy júzege asyratyn birinshi JOO bolady. Ýnıversıtettiń osy qyzmet áleýeti aýqymdy bolǵandyqtan, ol jalpy ýnıversıtet reıtıńin baǵalaý kezinde sapalyq jáne sandyq kórsetkishterge oń áserin tıgizedi», - dep atap ótti.
